Posts

Showing posts from 2008

- өдөр

Юутай налгар өдөр вэ ... өнөөдөр дүүгийн төрсөн өдөр, 16 хүрч байх юм, том эр болж байна даа, анх өлгийтэй нялх байхад нь нэг удаа бид нар өрөөнийх нь хаалгыг хаагаад бүгдээрээ гал тогоондоо буу халаад нөгөөхөө таг мартчихсан, уйлаад байхад нь сонсохгүй зөндөө удаасан бололтой, гэнэт санаад хүүе хаая гээд гүйлдээд очсон чинь учиргүй гомдчихсон, инээж ч сураагүй жаахан амьтан байжийж өмөлзөж ирээд л бөөн бөөн нулимс бөмбөрүүлж байсан юмдаг, яасан ч хөөрхөн байгаав дээ ... арван тавны сар шиг гэрэлтсэн цагаан залуу ааяе, шөнө өлгийндөө нам унтана, өдөр нь сайхан ааштай, нялхын л зөөлөн хүүхэд дээ ... одоо тэгсэн чинь төрсөн өдрөөрөө үсээ ногооноор будна ч гэх шиг, гөсрий царайлж нүдний булай болноо, шарков + ногоон үс, хөлөндөө хөх жинс жийгээд, улаан цамц цээжээрээ углачихвал энэ хүүхэд радуга болох нь ээ кк, бас найз охинтойгоо тэмдэглэнэ гэчижээ, за айлын охин жирэмсэн болгож балрав гэчихсэн чинь "ёо аниаааа ...... юу яриад байгаан, юуууууууууууу гэжжжж тийм байдын" гээд л …

янгинуур

г... сэтгэлээс уяатай
гүнзгий зүрхний амраг минь ээ

эхний үг нь няд, чихэнд нэг ийм дуу ороод байх юм, аманд ороод ирээгүй нь их юм, ч гэж дээ үг нь хагас, ая нь бас хагас юм чинь яаж ч орж ирэх билээ дээ, ер нь энэ толгой дотор юм юм ингээд нэг хагас хугас дутуу гачуу, мэддэг юмгүй мэдэхгүй юмгүй... Ойрд тархи ангалзаж өвдөөд, толгойноос болоод бие юм л бол энд тэнд тарж унаад, байрлал олдвол унтчих гээд ...
ай даа мөн хүйтэн байна шүү, хавар болоосой, ес өчдөрөөс эхэлчихдэг, гэтэл юун өвлийн күүл агаар, угаарнаас болж унах вий нэг. Намайг дамжлаад хотын гадагш цэвэр агаарт гаргаад шидчих хүн дүрстэн байхгүй л биддээ гэж мэж үглэх юмсан сонсдог хүмүүстэй байсан бол ...

толгой таллаж янгинаад л ... үс арзайгаад, бие зарайгаад, арван хуруу сарвайгаад, ажил хийнэ ч гэж дээ ... пи си-гээ дэрлээд үхэх юмсан.

Мөхөшгүй найдварын гал

Image
Энэ зурганд дэлхий гэмээр бөмбөрцөг дээр хөлөө нугалаад атиралдан суусан бүсгүй дүрслэгджээ, салбархай хувцастай, нүд нь боолттой, гартаа эртний грекийн чавхдаст хөгжим барьсан агаад тэрэнд нь ердөө ганцхан утас л үлдсэн ... бүсгүй толгой гудайн бүх л бие сэтгэлээрээ сүүлчийн ганц утасныхаа хөг эгшгийг сонсох гэж мэрийх мэт. Найдаад байх юм юу ч үлдээгээгүй атлаа энэ зургийн нэр - “Найдвар”.

Хүмүүс зургийг хараад янз бүрээр сэтгэлдээ ургуулах байх. Энэ зургаас сэдэвлэн өөрийн бичсэн номоо “Мөхөшгүй найдварын гал” хэмээн нэрлэсэн америкийн анхны өнгөт арьст ерөнхийлөгч Барак Обама зургийг анх хараад нулимс дуслуулан сэтгэл хөдөлж байсан тухай дурдатгал байдаг.

Итгэл найдвар биднийг хаа ч хөтөлж аваачих увидастайн учир хүн гэгч амьтан амьдралынхаа эцсийн ганц утсыг ч эгшиглүүлэн чагнах гэж тэмүүлдэг байх ... бидний эгэл жирийн өдрүүд мөхөшгүй найдвараар цэнэглэгдэж, итгэлийн галаар дулаацдаггүйсэн бол унаж сөхрөх, унтарч бөхөх бүрдээ юуг түшиж өндийн сэргэх байсан бол оо ...


Удахгүй монгол…

орчуулга 2: монгол эмэгтэйн хэллэг :b

Өчдөрийн постыг зарим нөхөд гадагад хүмүүсийн хэллэг байна гэжийнэ, иймээс монгол эмэгтэйн хувиар монгол эмэгтэйн үг хэллэгийг тайлахыг оролдов. Ийгээд харсан сонссон дээрээ үндэслээд:

хайртай шүү = хайртай шүү ...

чи минь цайгаа уу = ядрах вий дээ, хайрлах юмаа

дааруузай, өлсүүзэй = зутарч зүдрэх вий дээ, хайрлах юмаа

болгоомжтой яваарай = бэртэж гэмтэх вий дээ, хайрлах юмаа

за за цаашаа унт = ядарч байгаа биз дээ зайлуул, өдөржин ажиллаад

шинэ жүжиг гарсан байналэй = намайг урьсан бай даа

эртхэн ирээрэй = их л санах юм даа

пөөх маруужин = би нь туржаагаа л даа, гэхдээ ганцханыг идчихье за?

хо Брэт Питтийг хар аа = ёо чиний наад гэдэс ... сунаад газраар чирэх нь ээ. эсүл, хм жаахан таргалж булчин шөрмөс суухын заяа байдгүйм байх даа

ура чөлөөт цаг = ажил бүтэмжтэй болсон, чиний цалин ч буучлаа, гоё гоё, хамт пландана даа

чи үнэхээр тийм их ажилтай байгаа юмуу? = за байз, энэ чинь арай ... юу нөгөө ... за за юу гэж тийм муухай юм байхав, ямар хачин юм бодчихов оо би чинь

биеэ бодоорой = надд…

орчуулга :b

Эмэгтэйчүүд, охидын хэлийг тайлж унших нь

Болохгүй = болно
Болно = болохгүй
Магадгүй = болохгүй
Чи минь харилцаан дээрээ суралцах хэрэгтэй = миний саналыг чи заавал зөвшөөрөх ёстой
Уучлаарай = чи уучлах л болно доо
Чи надаа хэр их хайртайн? = ингээд чи надад уураа гаргаж чадахгүй боллоо
Бидэнд ※※хэрэгтэй байна = Надад ※※–ийг авч өг!
Үүнийг чи минь шийдэж дээ = би аль хэдийнэ шийдчихсэн, намайг дага!
Дураараа л бол, надад хамаагүй = чи тэгээд үзээрэй!
Бид ярилцах хэрэгтэй байна = миний үглэхийг сонс!
За, за, чи өөрийнхөө юмыг үргэлжлүүлж хий = хийгээд үзээрэй! ! !
Чи үнэхээр эр хүн шиг юмаа = хурдан явж сахлаа хус, усанд ор
Гэрлээ унтраасан нь арай илүү романтик бишүү = би жаахан царай муутай
Энэ гал тогооны өрөө их хэцүү юм = би шинэ байр авмаар байна
Шинэ хөшиг авах хэрэгтэй болж дээ = шинэ хөшиг, шинэ хивс, ханын обой, гэрийн тавилга бла бла ...
Чи надад хайртай юу = сэтгэл санааны бэлтгэлтэй байгаарай, би нэг том юм авах хэрэгтэй байна
Одоо ганц хоёрхон минут болоо…

Хоол vs Нойр

Уруудахад унтах идэх, өөдлөхөд санах сэдэх (ардын үгнээс)

Би жишээ нь унтах ба идэхийн нэгийг гарамгай хийдгийн ачаар уруудсан юмгүй, өөдөлсөн гавъяагүй тэгсгээд дундуурхан салгалаад яваад байх шиг байн. Үсээ зулгаасан их ажилтай байсан ч өнжин хонон унтаж байж л энергиэ нөхөхөөс биш, хооллож ундлаад, хошигнож баясаад, сэрэлтэж сэдэлтээд ч сэргэнээ нэг байхгүй шд. Муу хүний заяа завагт (энэ заваг гуайтай уулзаж талархаж явдагаа дуулгах юмсан) гэгчээр хоол идэхгүй байлаа гээд харин ч нэг торохгүй гэжугаа, ходоод хоосон тусам тархи толгой бие хаа хөнгөрөөд сайхан болохгүй ч гэлээ юутай ч нойргүй удсанаас болж сүнс сүгд хувилж, хүний яриа байтугай ямар ч дисконы ая сонсогдохоо больдог янзан бүрийн хувирлууд хоолгүй байснаар илрэн гарахгүй ээ. Нойроо л сайн авч байвал усанд янзүрийн юм хольж найруулж (спирт ч байсан болно :P), шингэн цутгаад хэд л бол хэд хонож орхихдоо огт зүдрэхгүй, ядаж л харвин өөхнөөс минь хэдэн грамм хасагдаж байгаа гэх баясалтай.
Ийн бодохоор уух идэхээсээ ч урдуур …

Нүүх үү үлдэх үү гэдэг шиг ;D

Балар эрт цагт хүн нүцгэн цэлдэн гүйж, даарвал арьс эгэлдэргэлэсэн зэрлэг байснаа хот сүндэрлүүлээд, хотынхоо нэг байшинд буйдан дээр бохь зажлангаа ТВ үздэг “соёлжсон” хүн болно гэдэг лаг шүү тэ, тэ тэ ... тийн. Эртээд Арнольд Тойнби түүхчийн “Түүх судлал”-ыг хэд хоног тэвэрч гүйгээд гэгээрэн алдав шд, мань мэт шиг царцанги нөхдүүд бол хэсэгтээ л баясах ажилтай болж байгаа юм чинь. За Тойнби түүхчийн далбаан доор хальт намиръя гээд томорчихоё :D Эрт баларын зэрлэг хүмүүс байгаль, орчны нөлөөллийн улмаас зарим нь нүүж зарим нь сууж амьдарцгаан, нэг хэсэг нь малчин болж, бас нэг хэсэг нь тариачин болсон шиг байна л даа. Эртний иргэншлүүдийг харахад голдуу том гол мөрний ай савуудаар үүссэн гэх, Инд мөрний дагуу Энэтхэг, Тигр, Ефрат дагуу Шүмер, Нил мөрний дагуу Египет, Хөх мөрөнд Хятадын гээд л. Эндээс байгалийн таатай нөхцөл хүмүүсийг иргэншил үүсгэхэд нөлөөлжээ гэж батлах ... гэтэл эсрэгээр эдгээр газар нь хахир хатуу ширүүн нөхцөлтэй байж таарсан (Тигр, Ефрат, Нил мөрний орчим дахь …

жингүйдэл

Хааяа богд уулын моддыг хараад хэрэв би мод байсан бол баларч байхгүй юу гэж нэг бус удаа жингүйдэж айсан юмдаг. Хөдөлж явж чадахгүй, яг нэг газраа хичнээн удаанаар юм таг зоолттой. Мод салхинд шуугина, наранд ээгдэнэ, эрвээхэйд идүүлж магад, гал ирвэл гарцгүй хуйхлагдана, хүмүүс ирээд хугалчихаж мэднэ, гэтэл эдний өөдөөс яаж ч чадахгүй, мөн ч хөөрхийлөлтэй байхсан гэж ... Магадгүй бүр эсрэгээр мод намайг өрөвддөг биз, энэ гэж хүний үр төл хэзээ хойно бий болсон юу ч мэдэхгүй чаавас, учраа олохгүй амьтан, яах гэж ирсэнээ ухаардаг ч юм уу үгүй ч юм уу, нэг л их зорилгосог, тэр нь ямар учиртай нь асар бүрхэг, сайхан амьдрал? сайхан амьдрал гэдэг нь яг юу ч юм? мөнгө? сайн ажил? хайр? хөөрхий дөө гээд л ...Уул ус мод хад салхи шоргоолж бүргэд баавгай барс гээд амьтад, байгаль, бүх юмстай ярьж сурах юмсан. Манай монголчуудын бөөгийн шүтлэг чинь ерөөсөө энэ тэнгэр уул ус сүнс сүлдтэй ярьдаг гэдэг биз дээ. Гэснээс сүүлийн үед энд тэндгүй бөө тодордог болчиж, урьд нь хаана байснаа одоо ингэж…

Намрын дунд сарын 17

Image
Зураач Ч.Хүрэлбаатарын "Намрын дунд сарын арван долоон" (1996 он) зураг.
Сүүдэрт орчлонгийн найранд сүүлдэсхийгээд ирээ юү
Сүй болзоогүй амраг бусдынх болсон байлаа
Бодол хөглөх насанд гуниг тээсэн хайр минь
Босгож барьсан гэрийн тань босгонд бүдрээд буцлаа ...

Tоост орчлонгийн найранд оройтосхийгээд ирээ юү
Toсч угтаагүй амраг хүнийх болсон байлаа
Tooлж өсөх насанд төөрч ирсэн хайр минь
Tooноо тулсан амьдралын тань тотгыг мөргөөд буцлaa

үзэсгэлэн

Image
мууртай бүсгүй (зөөлөн зураг)
модтой чихэр ба охин (хөөрхөн комикс, модтой чихэрээ чи шүү)
бүсгүй (сайн зураг санагдсан, 78 оны залуу зурсан байлуу даа, залуу сайхан бие цогц, гэхдээ зөөлөн өнгөтэй боловч жаргалтай бүсгүйн тухай биш юм шиг? )
бригадын дарга (хаа нэг зуу татчихдаг сэтгэл сайтай эр? дотор хүнтэй нь зурчихсан, энгийн, лаг)
дурсамж (санаж байнаа ... юу ч хэлмээргүй, надаас хол бай)
бүргэд (89 оны хүү балаар зурсан байсан, алдаа багатай, шууд авъяас!!!)

үзвэр + хадам биш ээ хурим

Өнөөдөр нэг үзвэр (?) үзмэр (?) үзэв. Нүүдлийн ба суурин соёл иргэншлийн зохицол гээд асар сүртэй нэртэй, үндэсний түүхийн музей дотор ердөө нэг жоохон өрөөнд музей (?) үзэсгэлэн (?) гарсан байна. Шилэн хоргонд тавьсан зүйлс нь МЭӨ 3-р зууны үеийн олдвороор эхлээд 20-р зууны дээл хувцас эмээл сэлтээр дуусаж байна. Нүүдэл суудал хоёр яаж зохицсон юм бөө мэд. Судлаач хүн харвал л зүгээр байх. Гэснээс маргааш айхтар алдарт 17 болж 80 хос хуримлчнаа одоо (бөөн атаархал үнэртүүлсэн), хурим ч яахав, хүмүүс шинийн 17 гээд яриад байх юм, сарны тооллыг шинийн 1-с 15 хүртэл шинэ сар гээд, 15-с 30 хүртэл сар хуучирлаа гэдэг биш юм уу, зүгээр л намрын дунд сарын 17 гэх байх хэмээн мунхагласангүй, ээж хэлж байсан болохоор бодсын. Би ер нь хурим найр хийхгүй. Хадам, хүргэн, худ ураг гэж танихгүй наян хүн цуглуулчаад тэрээ энээ болох гэж бөөн ядаргаа, ер нь сууж гэрлэх ч гүй мөддөө, хүмүүс хүүе хүүхэд хэнздэнэ гэнэ, согогтой гардаг л гэнэ, эмэгтэй хүний биед нь муу гэнэ гээд л ... би зүв зүгээр байха…

хайр сэтгэл

Image
Jack Vettriano-ийн Singing Butler

Энэ зургийг хараад юм хэлэх гэхээр л гацаад ... миний тархи задраад по нь алга болцон юм шиг санагдаад байна.

negen duu

...

Дурсан дурсан санаж байна ... залуу сайхан аавийгаа бодож байна, аавын эрх охин байснаа санаж байна ... цэл залуухан дүрээрээ зүрхэнд шингэсэн миний аав ... Итгээгүй ээ, итгэхгүй ... торойж хоцрох охинтой юмсан ... орь залуухан анд минь ээ ...

аниргүй ертөнц

дээр үеийн бичлэгээ оруулмаар байлаа ... :|

Байна уу ... байна уу ................ харь этгээд минь сонсож байна уу, би чамтай хамт явж болох уу ... аниргүй ногоон ерөнцийг зүүдэндээ л дүрсэлдэг ... тэнд зүлэг навч нь нилэнхүй цагаан өнгөтэй байдаг нь үнэн үү, цэнгэг ус нь тунгалаг улаан өнгөөр урсдаг уу, хүмүүс нь амгүй, бас хөлгүй болохоор ярьдаггүй, бас нисдэг үү, нэг нэгнийхээ тухай зэрвэс хараад л нэвт мэддэг болохоор хуурамч инээд, ховын шивнээ, хөлстэй алга, хүйтэн чинжаал лав байдаггүй байх даа, хоромхон зуурын настай болохоор та нар хоногоор биш мөч агшин бүрээр амьдралыг хайрладаг уу, амьдрал гэдгийг гэхдээ амьдрал гэж нэрлэдэг болов уу, амьдралыг эсвэл үхэл гэж нэрлэдэг үү, өөрсдийн чинь ертөнцөөс явж байгаа нэгнээ амьдралруу талийлаа хэмээн харамсан гашууддаг уу, аль эсвэл би та нарыг дэндүү басамжилж орхив уу, харамсан гашуудахын учир шалтгааныг та нар мэддэг болохоор хэтийн цаадахыг хардаг болохоор зовлон гуниг гэдгийг төсөөлдөггүй байх даа, цэлмэг оюунд тань ямар мэдрэмж…

УБ

УБ-д ирээд нэжгээд хонолоо, нэг л сонин гэчихвэл нүгэл гэх байх даа, хаана төрж өсчихөөд юу донгосоод байгаа юм гэж загнуулах биз улсуудад. Би уг нь хар багаасаа халхын хавтгайгаар хэрэн тэнэж хошуу тамгын газруудыг барах шахсан тул хээрээр гэр хийж хэцээр дэр хийх нь юу юм гэхдээ шинэ газар дасахдаа дадмаг, маневрлаг гэж өөрийгөө онгироогоод байсансан ... Хүн болж төрөөд хорь нэлээд наслахдаа хамгийн удаандаа УБ-т тогтвор суурьшилтай долоон жил болсоноос бусад газарт 5 жил, 4 жил, 3 жил, 1 жил, хэдэн сар гээд дандаа л хэрэн хэсэж явсан нүүдэлчин юм байна уг нь, 10 жилд 7 анги хамт олон дамжиж тэнэсэн байх юм. Тэгчихээд нөгөө ямарч нөхцөлд дадмаг хүн чинь гэртээ ирсэнээ одоо Шанхай буцах юмсан ч гэх шиг юу вэ тэ? Гэхдээ УБ-т тайван бус байнаа, гарч явахаар л нервтэж орж ирээд байхаар сүүлдээ гарахыг ч хүсэхээ байлаа, хаана ч явсан нэг л бачимдуу, зөрж өнгөрөх хүн ч зандарч загнаад, хэдэрлэж хэмлэлдэх юм бол цохиод авах нь уу гэмээр, аймаар, юм худалдаж авахдаа загнуулахаасаа эмээгээд …

GODFATHER

Тамир үгүй

Хэдэн жил өвс идэж суусаар ... ахаа... миний бяр дуусчиж ... мульт ундааг онгойлгож хүчирсэнгүй ... Тамир үгүй болж гэснээс Тамир гэдэг ус уусан, 400 билүү 500 төгрөг байсан. Юмны үнэ дэлбэ үсэрчижээ, их баяртай байгаа, би наймаа хийхээр мөрөөдөе л дөө, юу ч ацарж зарсан хуу баяжих нигуртай байна. Манай монголд юм бүхэн үнэтэй, чөлөөтэй, хүссэнээ хийхэд нээлттэй, их сайхан болжээ. Би одоогоор лааз дэвсэлж өшиглөж элдэвлэж байгаа юм, тэр хоорондоо бодож байна л даа, ерөөсөө хувийн юм эрхлэе, модтой чихэр, дирол, гаа эдэр бөөндөж аваад сарын дараа зарчихъя, үнэ нь хэд нугарна даа, хар пиадал болноо, юухэн байхав ... эсүл кондуктор болдог ч юм билүү, 400, 400-р цүнхрүүгээ юүлээд л. Болкү бол төрийн алба ч аштайхан л даа, өдөржин улсуудад албин жилбэн зангаа зоргоороо гайхуулангаа жаал жуул юм завшчихна. Хөдөлбөл хөлс зогсвол зоос гээд манай улсад асар их боломж харагдаж байна ... яахав тамир үгүй ч гэлээ ...

Tokyo love story

Хайр дурлалын кино юу юугүй л үзчихлээ, япон драма 1991 оных, Tokyo love story гээд. 90-ээд онд манайд ТВ-р гарч байсан байх, дуу нь хөөрхөн. Тайрмал үстэй цовоо охин: “Канжи, Канжи” гээд нүдээрээ инээхээр нь дагаад инээмээр ...
Хайртай болно гэхээр мэдрэмжээ бодоод, жишээ нь гэдэс хавиар өвддөг ч юмуу, элэг зүрх огшдог ч юмуу нэг тиймэрхүүгээр өөрийгөө л янз янз болохыг мэдрээд, би дурлачиж, хайртай болчиж гээд биеэ гайхаад суугаад байх биш юм байна л даа. Хайртай хүнээ яг өөр шигээ мэдэрч ойлгодог байхаар барахгүй тэрний төлөө өөрийгөө золиосолж чаддаг байх хэрэгтэй юм шиг байна шд. Ээ гэгээн минь, би мэт бол юун тэгж биеэ гаргуунд гаргах вэ, надад аз жаргал авчрахгүй л юм бол хайрын бурхан гуай хол очиж хэвт дээ гэнэ шд. Ямар тунгалаг сэтгэл, өгөөмөр хайр гэхээрээ ийм байна? Нөгөө Канжи нь тэр их сэтгэлийг мэдээд уярах байлгүй дээ гэхээр үгүй шүү, муу хөлдүү төмс, эрэгтэй хүн эцсийн бүлэгт дурлалаа л дагадаг байх, эмэгтэй хүн шиг дасч бариад манарцан суудаггүй байхаа.
Кинон дээр бас…

Гэртээ ирээд

Сүүтэй цайг данх данхаар хөмрөөд, цуйван идэхдээ хуушуураар даруулаад ... тансаглана гэдэг л энэ байх.
Тэрэлж оров, үлгэрийн газраар алхаад байсан, зурган дотор яваад л байсан, юу гээшийн үзэсгэлэн бэ. Ногоон модон хүрэмтэй Хөх усан хормойтой гээд шүлэг хоёрдугаар ангийн сурах бичиг дээр байдаг билүү. Хамгийн гоё нь сэрүү татуулсан цэнгэг агаар. Мань мэт шиг сийрэг агаар хүсдэг хүнд урд зүгийн гоё ганган байгаль харахад соньхон ч очиход нэг л биш, уулын орой дээр нь ч хүнд агаар дээрээс дарсан хэвээр л, өндөр уулын дээшээ гарахад сэнгэнэсэн агаар угтдаг даа, байхгүй шүү. За тэр амьтны нутаг ч яахав. Сийрэг цэнгэг агаараа цээж дүүрэн амьсгалаад сэтгэл цэлмээж авлаа. Монгол нутагт минь үлгэрийн зун иржээ.

Haramsaltai yum

Mongold bolj baigaa uil yavdliig haraad emzegleegui mongol hun baihgui baih ... Heterhii taltsaj huvaagdaj baina daa ... Ev eyee oloosoi gej husej bna, aimaar yum, muuhai yum ... Deer ued unshij baisan neg nomiin tuhai end dahij oruulmaar sanagdav. "Хөөрсөн түмэн ба гэмт хэрэг" Сципион Сигеле хэмээх судлаачын (100 гаран жилийн өмнөх) суурь бүтээл. Ямарваа нэгэн жагсаал цуглаан нь голдуу хэн нэгэн эрх баригч, дарга даамлуудын бүдүүрч байгаад зэвүүцэн, номхон ардыг мэхэлж байгаад бухимдан шаардлага тавин эсэргүүцсэнээс үүддэг. Ингэж илэрхийлэхдээ бөөгнөрч хөөрсөн хүмүүс уурандаа шатан замдаа тааралдсан бүхнийг хэмхчин эвдэлж сүйтгэж, засгийн газарлуу дайран орохыг завдан хүч түрэн давшилж, магадгүй нүдэнд нь нөгөөх аз нь харьсан дарга тааралддаг л юм бол дундаа хийж польдохсон гэж тачааддаг. Ямар ч шалтгаанаар үүссэн байлаа гэсэн олон түмний адал балмад хорлон сүйтгэх дээрх үйлдэл бол гэмт хэрэг. Мэдээж массыг ингэж хөөрөх хүртэл бухимдуулсан эрх баригчдын арчаагүй бодлогыг зөвт…

Бүтээлч хандлага

... Үндэсний аюулгүй байдал баларлаа гэж ярихад хүрвэл манай гадаад орчны талаас үнэндээ ойрхи үеийн түүхэндээ л хамгийн таатай нөхцөл бүрдээд байнадаг ... хамгийн аймаар аюул хятадааас ч биш, оросоос ч биш, өөрсдөөс л ирж байна, дотроо байна ... энэ тухай мэдэхгүй биш, бүгдээрээ л мэдэж байгаа ... Одоо хоол хэрэглээгээ гаднаас хангаад, тэгээд хилийн нэг боомт хэд хоног хаагдахад л УБ дампуурчих гээд байдагт хятад буруутай юу, орос буруутай юу? Өөрөө хоолоо хийж идээд, өлсөхгүй даарахгүй байх асуудлаа өөрөө шийдэхэд ... өөрөө үйлдвэрлэл эрхлэх ... Бүтээлч байдал л хөгжил дэвшил авч ирсэн, авчирсаар ч байх болно гэчлэн афоризм зохиох гээд дүрдээ итгээд суужийтлаа энэ мэдээг уншаад баахан баярлалаа шд, надад байгаа бүх кнопоо дарж дэмжинээ :D

тиймхэн

Саяхан “Хадаг” киног сургуулийн хүүхдүүд нэт-ээс татсан байхаар нь сонирхов, монгол киног герман хэлээр үзлээшд, ямар ч байсан тоо тоолоод байх шиг байналэй гсн. Эх хэлээрээ үзвэл гоё ойлгох байх, ямартаа ч маниусийг байгальд шүтэлцээтэй амь шүү гэдгийг сануулах шиг болнолэй, ер нь хүнд талдаа, юу болох нь явцдаа ойлгомжтой болчихдог кинонуудаас арай өөр, даж л байв.
Сүүлийн нэг сар шахам нойр солигдоод, үнэн дондог байнаа. Аргагүй л дээ, энд тэнд очиж дэлбэрсээр асар завгүй өнгөрүүлсэнийх ядаргаанд орох шахжийн, диско баарны амьдрал шал ойлгомжтой, залхав шд. Эрэгтэй эмэгтэй хүмүүс тааз бэлхүүс дөрвөн мөчөөрөө савлаад л байн, саваад л байн, харж ээ суухад гарууд нэг нэгнээ чихдэх, чихдүүлэх санаатай, ааяе за тэр ч яахав. Манай охидын жавхаа хамтлагийнхан ч мэдээж транс дээр нисэх нь нисэж, пих пох дээр уран нугарч мушигралдан тоглож, мани наана нь гимнастик үсэрч хуян шар ус хий хуараа тараачихаад үүрээр Мак идэж салж унахын наана гэртээ таван хошуу. Би гэж нэг л их цэнгэн хөгжилдсөн б…

хоббитов

Image
Хоббитож ийм юм үйлдэв. Эхнийх нь дэлгэцэнд мөнхөрсөн бүсгүй, хоёрдахь нь хоррор рок дуучин, мань эр угийн далийг хэлэх үү, зурах гэжийн гээд дагаж далийлаа шд, хамаг юм нь далий наасс.

... Мэргэжлийнхэн эднийг харвал савж унана л даа, гэхдээ яахав хобби, улмаар гичээнэ... эднийг хараад таниад нэрийг нь хэлбэл би гялтайсаан :-)

ps: фото дээр сүүдэр эдэр нь сайн гарсангүй :b

хавархан

Дулаарч байна даа. Янзан бүрээр догдлоод байх юм хавийн улсууд. Бунданчуудаас халдвар авч л балардаггүй юм шүү гэсэндээ хаа ч явсан хөмхийгөө зугаад, хамраа сартайлгаад, гараа тас атгаад, Брюс Ли харцтайгаар, байнгын өрөлт авсан хүн л явжийн, ер нь нэг мончок авч ардаа нуунаа гсн. Би ч бунданчуудаас яаж дутахав л дээ, бүүүүүр арга ядлаа гэхэд анхны хайрынхаа дүр төрхийг сэргээн санах гэж оролдоно гэснээс юу билээ, яг аль нь билээ ккк.Тагтан дээр агаар амьсгалах ч хөгжилтэй шүү.

нэг өдөр

Сагсны тэмцээнд ороод чарлан дэвхцэж, чангаалцан таталцаж, сагсалзан сэгсэгнэж, самардан маажилцаж байгаад ирлээ. Өвөлжин ичиж хэвтсэн хүн гэнэт гарч ирээд хар хурдаар тэнхээ мэдэн хөдлөөдөхсөн биш аахилан бахардаж цээжинд цус амтагдаад золтой л талбай дээрээ үхээд өгсөнгүй, явчихаа л шахлаа. Тэмцээн дээр олон хүний дунд пааниктаж суухдаа орсон гарсан хөлхсөн гүйсэн хөөрхөн залуусыг харж амаа ангайж нүдний шилнийхээ хүнд рамыг холдуулж нэг ойртуулж нэг ... гүймөн бас сайхан амьтан юмаа ... залуу байхад Жексон хүү юун дээрээ гараа тавьж байгаад энд ч боов байна тэнд ч боов байна, энд тэндгүй боов байна гээд аюулын сэдэлтэйгээр дуулаад байдагсан, тэрүүн шиг л хаашаа ч харсан энд ч нэг хөөрхөн тэнд ч нэг сайхан энд тэндгүй царай лагууд ... хойноос нь хөөрөн жингүйдэж хорвоогийн уудмаас халин нисэж... гэвч хөөрхөн зэвүүнээнүүд хэтэрхий олон байснаас альруу нь нисвэл алс хойшид ач гуч нарт хэрэгтэй тустай байх талаар мэргэлж суусаар мунгинаж будилсаар байтал тэмцээн дуусаад тарж алга болсо…

залхуураад

Гиюүрч байна, гиюүрээд л байна, гиюүрсээр л ... өлсөж байна, өлсөөд л байна, өлссөөр л...
Залхуу хүрч үхэх нь ээ, гитар дарж сурдаг ч юм билүү. Манай сургуулийн Дон Жуан гитар лаг тоглодог юм билээ, бас морин хуур сурч байгаа, дараа нь төгөлдөр хуур дээр нэг хоёр ая дардаг болоод хөгжмийн боловсролоо түр азнана гэнэ ээ. Дэгдээхэй болохоор гитар сурна гэсэн чин эрмэлзэлтэй байдаг. Энэ жил шинээр ирсэн хархүү морин хуурыг уйлуулна, нөгөө нэг хархүү Ди Жи хийдэг гэсэн, бүр хөгжмийн ая зохиодог ч байж мэднэ, асар урлагийн мэдрэмжтэй манайхан. Ерөнхийдээ шинэ үеийн залуус л даа. Би ч мэдээж үзэгч.
Өнөөдөр бараг гарсангүй, тагтан дээр хальт агаар амьсгалсан ... жоохон гуниг байх шиг, санаад байн, хэнийг юм бүү мэд. Ядаж байхад залхуу хүрээд, яг хэнийг санаж вэгээ ч бодохоос залхуураад ... эртээд бамбаруушийн санал болгосноор "Малена" гэж кино үзсэн. Бөөн бөөн нулимс гаргасан. Сайхан бүсгүйн хүнд хувь тавилан, сайхан эгчид дурласан өсвөр насны хүүгийн ариухан хайр, чин сэтгэл ... үнэ…

үйлдэл

Өчдөр хальт далийж ганц хоёр хуудас цаас эргүүлтэл, өмнөх бичлэгт бүлтрээд байсан сэдэвтэй таарлаа л даа. Ухаантай байх, ёс суртахуунтай байх хоёр чанар нэгэн биед цогцолвоос хандах зүг өөрөө тогтоно гэж аль диван галавт Аристотель ака мэдээж айлдчихаж. Ерөнхийдөө мань хүнийхээр сайн сайханд хүрэх нь хүнээс өөрөөс нь хамаарна гэдэг бол Платон сайн сайхан аваас хүнээс үл хамааран оршино, түүнд хүрэх нь хүний зорилго гээд зүтгэдэг байж л дээ. Мань хоёр хятадынхаар бол Аристотель нь Кунз \нийгэмд чиглэсэн философитой\, Платон нь Мэнз юм уу даа \хорвоогоос чанад\.
Гэснээс гятадаар Аристотелийг Яа ли ши дуо дө гэдийшд, хүний нэрийг гутгалж байгаам шүү кэкэ. Монгол хүний зарим нэр бүр элгийн, УИХ-ын дарга байсан Гончигдорж гэхэд Гун чи гө дао эр жи гэж наасан, уншаад татаж уналгүй яахав дээ. Инкээл Шийлэгдамба шалигдамба болооск гсн жк.
За тэр ч яахав, Яа ли ши дио дөгийн хэлсэнээр “Албан тушаал хүнийг илчлэн харуулдаг” гэжийнэ шүү. Бодов ... би яалаа? Аая дарга байхдаа би ... жэхшиг.
Манай …

Жинхэнэ мөрөөдөл

Ингэж мөрөөддиймөө, шоолбол шоолж л бай, аадийн ...
Хүмүүс бүгд далай лам шиг ч юм уу, есүс шиг ч юм уу, ер нь тэр бурхан тэнгэрлиг хэн л байна тэд нар шиг болчихоосой цөмөөрөө ... Тэгвэл дайн гарахгүй, хов жив ярихгүй, атаа жөтөө үгүй, хоорондоо хүлээцтэй, уужуу тайван ер нь л юм бүхэн шал өөр байх байсан даа. Бяднуус гадаад ертөнцийг л үлэв долов гэж биш, өөрийгөө шинжилж амдардагсан бол дэлхий одоогийнхоос хамаагүй гоё байхгүй юу. Хоёр гурван мянган жилийн өмнөх хүн одоогийн хүн хоёрын дунд мөн чанарын ялгаа нээх байхгүй дээ аягүй бол. Технологийн дэвшил сайн зүйл зөндөө авч ирж байгаа ч хүн лавдаг өөрчдөгдөхгүй л байна. Боловсрол соёлын чинээгээр хүмүүс мундаг болж байгаа гэх л байх, нийтээр аж төрөх ёс мосонд суралцаад овоо ч болсон биз. Гэхдээ хүн чанарын “боловсрол” хол хаягдаад байгааг хэн ч ярихгүй, ярихыг ч хүсэхгүй ... нэг тиймэрхүү л орчинд аж төрцгөөж байна шдээ, яадагшуу юм билээ ... “буцдийм” билүү яшиг, гсн. Би ч ялгаагүй зарим нэгний хувьд новш царайлцан явдаг л байх д…

...

Хар хөх Харли Дэвидсоноо унаад хөөрхөн залуу ардаа суулгаад бүсэлхий хавиараа тэврүүлсэн шиг, салхи татуулан сэгсэгнэж давхихад ч ... ээ дээ эм хүний жаргал их хотын дотор оо гэж.
Гэтэл нэгмуу социалист хулгайч гурван жил нөхөрлөсөн хар хөх Харлиг минь дэлгүүрийн гаднаас туучихсан байдым, ямар үзэл сурталгүй юм бэ... Бодохоор л сонин санагдаад байх юм, хар хөх өнгөтэй нь ч өнгөтэй л дээ, гэхдээ хоёр дугуй нь шалчгар, гинж нь зэврээд хяхтнадаг, нэг тормоз нь тасарсан, урд талын сагс нь санжчихсан, суудал нь хагархай, гурван жил нар бороо салхинд сарампай болтол эдлүүлсэн жаажгий муу жийдэг дугуйг минь ямбий гэлтгүй л хусчих юм аа, хулгайчын хийморь гомдмоор л хог болсон эд юмсан, авчихдаг л юм байна. Хөөрхөн залуугийн нүдэнд бол хэлхээтэй хөх төмөр ч хөл дүүжилсэн наддаа бол Харли Дэвидсон байсан юм шүү дээ эвий муу дугуй минь... хэдэн хэсэг хуваагдаад энд тэнд эрэг шураг болчихсон яваа даа. Зэвтэй яижгий төмөр ч гэлээ удах тусам үнэтэй санагдах болсон дугуйгаа орхиод явах нь дээ гээд с…

уг чанар

Дээр үед шалиг зан удамшдаг талаар эрдэмтдийн дүгнэлт гарсан тухай мэдээ уншаад саваад уначихаж билээ ...
Гэтэл оргүй ч биш бололтой. Завхай шалиг болоход хүмүүжил, цаг үе, орчин нөхцөл нөлөөлдөг ч нэг тийм эх нь хээр алаг бол үр нь бөөр алаг билүү зүйр үгийн утга яваад байдаг шиг. Зарим хүн хүнийг юм үзээгүй бага дээр нь аваад суувал дээр мээр гэдэг, үгүйсгэхгүй л дээ, зөв байх. Дайнд явсан хүний сэтгэл зүй яаж цочирч эвдэрдэг бол, тэрүүн шиг л элдэв шалдавын юм туулсан хүн хажуудахаа өөр шигээ ургуулан хардахаас эхлээд хэцүү л байдаг байлгүй. Хүмүүс бага балчир, гэнэн цайлган үедээ сууцгаалаа, нас бол явдагаараа яваад хорь нэлээд гарна, гуч гарна, нийгэмтэй орооцолдож байгаа юм хойно юм юмтай тулгарна даа, юм үзээгүй хүн үзэж магадгүй, үзэхээрээ яаж ч магадгүй шүү дээ гэж. Хүний унаган чанар гэж юм байнаа, өчнөөн л юм үзвэл үзэхээр байхад тас гүрийгээд яваа хүн хажуу дэргэдүүр зөндөө л байна, хүнтэй ханилаад үнэнч явах тангараг тавьсан хэр нь үсэрч наалдаад яваа хүн ч хаа сайгүй байн…

Дуэл

Бамбаруушхан

Image
\дээр үеийн бичлэгээ дурсаад...\

Бамбарууштайгаа баавгайтай чихэр хуваах юмсан. Хараад өхөөрдөхгүй байж чаддаггүй, өхөөрдөх тусам хайр хүрдэг, хайрлах тусам хазмаар болдог дэндүү эгдүүтэй тэр хөөрхөн бамбарууш даанч минийх биш, манай үеэлийнх байсан болохоор нагац эгчийндээ очихдоо л хайртай бамбаруушаа тэвэрч, орох гарах болгондоо "хөтлөх" хосгүй боломж олддог байв даа, бөөрөнхий хөөрхөн чих, жүмбэгэр цэвэрхэн хошууг нь халтайтал чирж тоглоод өвөртөө хийж зөндөө эрхлүүлнэ... Цамцан дотуураа чихэж "жирэмсэн" болсоноо товчоо нэг нэгээр нь тайлж "хүүхдээ төрүүлээд" нялх нярай бамбаруушаа сүүгээр "угжиж", элгэндээ тэвэрч бүүвэй дуулж, ээж байхын жаргалыг сүүний үнэрээсээ салаагүй "хүүхэд ээж" зүрхээрээ мэдэрч амсаад л ... Заримдаа бамбаруушаа нөхрөө болгочихсон сугандаа хавчуулаад ажилруугаа тавчиктайгаа гарч гүйсэнээ гэнэт анзаарсан болж өөө гээд буцаж гүйгээд л ...
Хаалгаа хаагаад унд хоолоо умарттал, хамар дээрээ хөлс бурзайж, хацраа ул…

Косово-отгон улс

“Намайг унтаж байх хооронд” гэж байгаад л Т.Фрийдман авч өгдөг шиг, намайг унтаж байх хооронд дэлхийн хамгийн отгон улс “мэндэлж” байх шиг. Өнгөрсөн 17-нд Косово дангаараа тусгаар тогтнолоо зарладаг юм байна. Одоогоор европ голдуу 10 гаруй улс хүлээн зөвшөөрсөн ба зөвшөөрч болох юм гэдгээ илэрхийлсэн. Орос эсэргүүцсэн байртай, хятадууд ноцтой асуудал гэж үзээд НҮБ-ыг хүлээзнэх маягтай. АНУ болохоор шууд дэмжиж 300 гаран сая долларын тусламж өгөөд эдийн засгаа өөд тат гэжээ. 2 сая хүнийх нь 90 хувь Албаниудаас бүрдсэн “Косово улс” гэгч нь ер юу юуны үр дагавар болоод үүссэн бүтээгдэхүүн бэ? Хальт түүх сөхвөл, ойр үеийн Югславын бутралаас хойшхи 17 жил үргэлжилсэн бужигнааны \цааш ч үргэлжилж мэдэх\ эцэст Сербээс салж Косово төрлөө. Дэлхийн хоёрдугаар дайны vеэр Югославт ямар нэг байдлаар ирсэн албаничуудыг Косовод бөөнөөр суурьшуулсаны гор ч гэх тайлбар байна. Харин одоогийн асуудал гэвэл Косовогийн энэ тусгаар тогтнол цаашид бусад жижиг үндэстнүүдийн салан тусгаарлын эх үүсвэр, давалг…

бялдууч нүүр

Бурхантануудын хувьд ойлгомжтой байх, харин бурхан шашингүй мань мэт нь юугаар ёс суртахуун моралийг хэмжиж ойлгодог билээ? Шударга ёс ариун явдал гэдгийг яаж хэмжиж тогтоох вэ? Саяхан нэг зураг үзлээ. Бүүр дээр үеийн хар цагаан фото зураг байна. Нэг нас арай хүрээгүй, гэрэлтсэн нүдтэй бяцхан европ хүүгийн зураг, сэвлэг зөөлөн үс, хиргүй тунгалаг нүд, хачин эгдүүтэй хошуу ам, булцгар жижигхээн хоёр гар, цацаг чимэгтэй цагаан хувцастай тэр хүүгийн зургнаас нь л нялх хүүхдийн сүүний ариун үнэр үнэртэх шиг санагдана. Одоо танаас асууя энэ жаахан хүүг та алж чадах уу? ... ... hээ юу асууна вэ? ийм хөөрхөн нялх амьтныг алах ий? Яаж ийм аймаар зүйл асууж чадаж байна аа ... гэж хариу асуух байх. Сая дүрсэлсэн тэр зураг дээрх хүү бол бяцхан Гитлер байлаа, олон сая хүнийг амьдаар нь тамласан тэр хүн. За та алж чадах уу? ...ХХХ ХХХ ХХХ
Энүүхэн тойрогтоо дэмий л асууя ... сайн гэж юув, муу гэж юув? Нэгэнт академик судалгаа биш учраас утга муутай л замбармаагүй хэлэлцүүлэг болно ийм сэдэвт. Хүмү…

Гахай чи шүү

Хүүхэд насанд хүргэж өгдөг гал гахай ... Байна тийм гахай, сая өнгөрчлөө, хулганад зайгаа тавиад. Хүүхэд байхад хамгийн үзэн яддаг байсан зүйлсээ гал гахай жилд гайхамшигтайгаар гүйцэтгэлээ. Арван жилд урлагийн үзлэг гэж тамын хар ядаргаа байсансан, над шиг ширхэг авъяасгүй хүнд жинхэнэ яршиг төвгийн наадаан. Дуулах дургүй, хөгжимд сонсголгүй, бүжиглэх хүсэлгүй би мэтийн дэмий годилийг зүгээр байлгачихгүй багш заавал нэг юм хийлгэх гээд тамлан зовоож, аргагүйн эрхэнд шүлэг уншуулна. Хөх манхан тэнгэрийг эзэгнэнхэн төрлөө би гээд уянгалах ёстой цовоо хоолой надаас л яаж гарахав ... гэвч нэг номер таглахчаан болдог л байв даа, үнэн ядаргаа байсан шүү. Тэр цагт тэгтлээ дургүй явсан бүхнээ энэ гахай жилд ганц сайн нөхөж авах тохиол тавилан таардаг л юм байна, багш минь харсан ч болоосой гсн. Бүжиг хийж үзэв, бүжиглэхдээ ... түмэн олны нүдэн дээр, төвд нь байрлах талбайн голд хөл гарын хэмнэл таарууланхан эвлэг төгс хөдөлгөөнөөр секс бомб секс бомб... гэж хийх ёстой хатуу даалгавартай байл…

өнгөтэй сараачмалууд

Баларч байнаа

Унтаж унтаж боссон чинь нүд бөөөв бөлцөн болчиж ... бусдад бүлцгэр харагдах минь ч гайгүй, өөрийгөө тольдоход онцгүй байн.
өчдөр ээж утсаар яриад мөрөө гаргах зүг чиг, унших тарни мэгзэмийг минь хэлж өглөө. сүүлийн хэдэн жил мөр зөр гаргаагүй э, утгагүй л эд юм ш дээ уул шугамандаа гээд орхисон юм, энэ жил ээж заавал гарга гээд байдаг, гаргаад өгье л дэ хэхэ. арван жилд байхад шинийн нэгний өглөө мөрөө гаргах гээд гарахаар нээх алиа байдаг байжу, хажуу орцны хэн бас гараад ирцэн, янзан бүр болох ёстой байдаг, ичээд байдаг, цаас маасаа сэмхэн урж эдэр, шүдэнзээ гялс асааж хаяад л ... хөгжилтэй.
нээрэн монголд энэ жил цагаан сарын шинийн нэгэн 8-нд гэнэ, тэгсэн хятадад 7 нд шү дэ. гүй тэгээд хятадад байгаа би одоо яахуу, монгол хүн юм чинь 8нд мөр гаргах уу, хятадад байгаа юм чинь 7нд гаргах уу... айхтар том юманд уналаа шүү, хоёр өглөө мөр гаргачихвал лус хилгэнээд ниргэчүүл надаас юм үлдкү дэ ... хэзээ хийсэн үйлийн үр вээээ .... :)
---
Гэснээс энэ европчууд ер мөрөө гаргахгү…