Sunday 11 February 2007

Aморе огцор!!!

Бодоод байхнээ миний дурлал нэг ч удаа бүтэж байсангүй. Бүр анх 12 настайдаа Эдмон Дантест дурласан боловч миний цаг үед бүү хэл ер нь дэлхий дээр тийм хүн хэзээ ч байгаагүй учир надад эд эсийн төдий ч найдлага алга байв. Дараа нь бас мэдсээр байж индиан Оцеллад сэтгэл алдаж мөрөөдөх боллоо, удалгүй Галдан Бошигт хааныг бодож манан будантав ... Гэтэл 9-р ангидаа ороод Том Крузд анхны харцаар л ... гээд байж байтал BSBoys-ын Ник гараад ирсэн, гэхдээ өмнөх бүтэх нь бүү хэл зураг хөрөг нь ч олддоггүй анхны дурлалуудын дэргэд энэ бол ихээхэн нааштай хэрэг л дээ. Ядаж л би энд гишгэж байхад тэр минь тэнд дуулж юмуу жүжиглэж ямарч байсан амьд байгаа гэж бодохоор бараг л бүтсэнтэй адил тооцмоор, гэсэн ч би Никийн нүдрүү яаж ч ширтээд Ник миний өөдөөс хичнээн гоёор ирмэж дуулаад ч бид хоёрт учрах тавилан заяасангүй, параллель замаар хувь тавиланг даган мөр мөрөө хөөсөн билээ.

Гэхдээ ... хожмын нэгэн өдөр их сургуулийн танхимд, гэгээн цагаан өдөр, түмэн олны дунд хажуухан талд минь, үгүй бүр дэргэд минь ... уйгагүй аморе сумаа шившиж байгаад харважээ, харвахдаа тас далий харважээ. Тийм хараа муутай юм уу, эсвэл солир юм уу, үнэхээр л ажлаа хийж чадахгүй бол чаддаг эрхий мэргэнд зайгаа тавьж өгөх хэрэгтэй шдээ энэ аморе. Эцсийн эцэст чадвар муутай нэг далавчтай жаалаас болж би бүтэн 7 жил хохирч хамаг цагаа алдаж байгаа нь хүний амьдрал тэр тусмаа залуу насны богино хугацааг тооцвол ихээ хорлонтой хэрэг, ийм хариуцлагагүй байж болохгүй шүү дээ. Тэрнээс болж одоо хэр нь эрэгтэй эмэгтэй хүмүүсийн харилцааны наад захын арга ухаангүй, 16-тайдаа мэддэг байсан зүйлээ ч мэдэхээ больчихсон гайхаш тасарсан усан тэнэг амьтан хэвээр л байна. Тэсвэр тэвчээрийн туйлд хүрч муми, зомби болдогийн даваан дээр аморе дахин нумаа эвшээлгэж хоёр дахь сумаа тавьлаа, арай ч дээ ... хэлэх ч үг алга. Ядаж байхад намайг мөрөөрөө харвахгүй тэгж харвах болгондоо хажуугаар огт гэмгүй зөрж явсан хаа хамаагүй нөхөртэй давхар сүлбэчих юм, удаа дараа ийм осол гаргана, тэрнээс болоод бөөн гомдол чирэгдэл, мэдээж тэгээд би л засаж залруулах гэж “уучлаарай энэ намайг харвахдаа таныг жаахан шархдуулсан бололтой, бяцхан эндүүрэл гарчээ, та цаашаа замаараа явж болно” гэж учирласан ч хэлмэгдсэн этгээд “өө тэгээ юу за би явъя даа тэгүл” гэж хэлэхгүй нь тодорхой. Тэгж шархдагсадыг би өөрийн туршлагаар үнэн голоосоо ойлгодог боловч юугаар ч тусалж чадахгүй нь миний бундангийн эзэн надад яаж ч тусалж чадахгүйтай яг адилаар нэн гачлантай. Санаагаар болдог бол тэр шархтантай хамт хазганаад л цуг санжиганачихвал уг нь өөрт ихээ амар байхсан. Надаас шалтгаалахгүй юм гэж энэ хорвоод даанч олон ажээ. Аз болж аморе намайг сүлбэдэг шигээ хэлмэгдэгсдийг нэвт харвадаггүй болохоор гунихарсан, цам харайсан, бачимдсан янз бүрийн дүр төрх нь төд удалгүй тэгээд smile face болж хувирсан байдаг л даа.
Харин миний хувьд шархалж онгойсон цээжээ жавар тачигнасан салхи цас шуурганаас яаж хамгаалж халхлахаа мэдэхгүй даарч хөрсөндөө мэдрэл алдах шахан алхаж байдаг ч энэ бол ердөө аморегийн алдаа учраас бундангаа наасан этгээддээ хорсож бухимдаж байсангүй, магадгүй миний гомдож цөхөрсний тоогоор тэрэнд минь муу юм тохиолдох вий... миний бундан өөрөө мэдэлгүй буруу энерги болчихсон бууж байх вий, тийм бол юуны бундан байх билээ ... гээд айсандаа ... бушуухан шиг хоолойны зангирааг ус залгилж тайлчихаад, fitnessт дэвхэрч ухаан санаагаа түр атугай урвуулж баясдаг болой.
Явж явж тэгээд аморегийн хайнга зангаас болж үүсдэг иймэрхүү байдал ганц над дээр ч тохиолддоггүй гэдгийг авч үзээд нэн даруй нум сумыг нь хурааж, албан үүргээс нь буулгах шийдвэр гаргуулмаар байгаа юм. Энэ санал олонхийн дэмжлэг авна гэдэгт итгэлтэй байна.


Дандаа далийж зөрүүлж байдаг аморег "болъё оо" гээд нэгэн киноны сайхан ерөөл үгийг түмэн олондоо дэвшүүлье. "Никулин Марганов хэн гурав архидаж байна, хүнд гарууд хундаганы үг хэллээ:
Ямаа авах мөнгө байвч хүсэл алга аа...
Байшин авах хүсэл байвч мөнгө алга аа... ийгээд ... (хоолойгоо засав) бодит байдал мөрөөдөлтэй минь дандаа нийцэж байх болтугай ... " гэж.
Бундан шидсэн наасан хагалсан бяцалсан эвлүүлсэн будсан чимэглэсэн гээд түмэн янзын бунданчуудад удку болохжаагаа баяраараа мөрөөдөлтэйгээ нийцсэн жиклаад авах болтугай гэж чин сэтгэлээсээ ерөөе.

15 comments:

М.Огоо said...

Ug ni chinii durlaluud amidraltai ih l oirtood bgaa ym bna sh de. Ehleed otg baidaggui hun baisnaa suuldee baidag bolood l. Yavaandaa yag hajuudaaa bgaa hundee durlah l ym bna sh dee. Ter boltloo harin emgen bolchihov doo :)

Anonymous said...

Uuriin chini blogiig unshaarai gej hed heden humuus helj bsan ch unuudur l az bolj sanaj, zavtai bsan ch taarch unshilaa. Goyo bichih yum aa.
odoo bainga unshij bn aa.
Pujee

Anonymous said...

Inga neeree amore-iig ogtsruulmaar baina. Sanal neg baina. Minii xair durlaliin asuudliig xariuzsan amore yadaj baixad nadtai taarsan arhi pivond tolgoigoo meduulsen nohor baidgiim uu xaashaa yum dandaa budliantai yum xiij baidgiin. Dalchiij baigaad dandaa dalii sum tavidag yum baina.

Anonymous said...

Хүсэхэд хясна, хясахад хүснэ гэж.. Заримдаа бундангаа шидэхэд зарим хүмүүс масс нийлдэггүй гээд дарж хаях заримдаа өөрөө бусдын бунданг тэгээд өнгөрүүлэх.. Хэзээ тэр масс нь нийлэх юм болдоо.. Хүмүүс нийлдэг л гэлцдэг..

Амор бундангаар дүрслээд гоё бичжээ. Уншихад хөгжилтэй байлаа. Бундангийн масс чинь хурдан нийлээсэй гэж өөрт чинь хүсье Инга.

Баасандаваагийн ДӨЛГӨӨН said...

Ха ха ха.
Хаданд хальтардаг ч, харавсан суманд оногддоггүй баатар гээч би байна гэсэн хэхэхэх Үнэндээ тэрүүнд гомдчихоор шальтай юм болоогүй л байна. (Тэр яахав, мод гурав тогшив.)

Энд ингээд гомдоллоод суугаад байлгүй тэр шархдсан улсууд аморе-г бүгдээрээ нийлж байгаад батирвал яасым бэ? lol :D

Anonymous said...

Ax ni almasiin ued amoreg ogtsruulchixsoon. Saixan baina.....
Javriig ch medrexee bolison, sharxdaxaa ch bolison.....

Chariote said...

hehe bidnii durlaj yabsan ulsuud adilhan duu bn. Otello baataryg es tootsvol.

Anonymous said...

Inga neereen goyo bichih yumaa. Minii huvid num sumaa zuv l taviad bgaadaa.

iga said...

thanks guys санаа нэгдсэнд. Пүүжээ huanying guanglin!

конфи мөд харвуулна л даа, ер нь нэг мөсөн есү шиг болчихвол амар юм уу :)

Anonymous said...

hehe,,ziak..eeemer hund sedev bn... geeloo...amore bodson chini medrelgui avtobusand tus hiitel ineesnee sanajeenshd...balaiin. shan hair irdeg gej unen shuu nzuudaa...haalga togshihkuishuu.. shuud evdee...l
harin bi bundantai hun buhend, bundangaa sale zarlalgui ogch chaddag hun burt tsoglog bhiiig husjeen..durlaj hairlaj chaddag hun bur "amid" bdiim
tatah

Anonymous said...

Narnii ilch shig tuunuud irehdee durlal
Gantig haniig ch bol nevtleed orno
Nuudliin shuvuud shig butsaad yavahdaa durlal
Gan argamjaanaas ch bol multraad arilna


kueee mun unen helj baigaam shuu...

Anonymous said...

bichsen yumnuud chin uneeeer taaalagdjiinaaaa...tegeeed dahiad neg shuleg zoriulii ingadaa :D

Munhrun tseliij baigaa ene ih orchlond
Muchir n hugaraagui mod baihgui yum geluu
Haluu duugsen tseejindee tsohilj baigaa zurh n
Hal uzeegui hun horvood bas l baihgui...


:D uran

Anonymous said...

hehe odoony zaluuchuulyn keleer tasarhai bichjee. yukev mani metiin kugshin kumuus nostalgy bolood my past-d uulzaj yavsan negen enhriihen murtuu chadaltai omgolon busguig (inga shig) sanan dursaad l suuj baihaas..

Эрхэс said...

Wow, j'adore.
Ih goyo halijee. Bichsen zuil chini nad shig amour bodohooroo l nud ni ulaij hamar ni sartalzaj, esvel setgel sanaanii gun daramtand ordog humuust ih saihan em bolson bna.

Anonymous said...

He, he... Amore chini shal dolii nudtei, tahir gartai baikh aa magadgui, esvel er ni turshlagagui, esvel ajildaa tiiim hainga baikh. Dandaa halit harvaj hun zeremdeglej hayachikhaad, sanal gomdoliig er avch heltsekhgui yum aa. Tuuniig batirchikhval yaasiin, humuusee.

Мэдрэмжүүд минь

Бясалгалд суув аа. 10 хоног чимээгүй суудаг. Өмнө нь зөндөө удаа явж байсан л даа. Энэ удаад арвин ургацтай харин. Урьд нь суухдаа юу ойлгож...