Saturday, 27 October 2007

Эр хүний тухай

Ганц ахтай билээ. Миний хамгийн удаан хамт байсан эр хүмүүн гэвэл ойлгомжтой, манай ах. Мэдээ орохоос л дэргэд байсан болохоор уран зохиолын дүрээс өөр бодит эр хүний талаарх гол төсөөллийг Ахаасаа л авсан юм. Товчхондоо манай Ах болбаас: ертөнц дээрх залхуугийн гарамгай төлөөлөгч. “Хэрхэн дэг журамгүй амьдрах вэ” дэлхийн бестселлерийг манай ах л бичиж чадна, мэдээж залхуураад бичихгүй л дээ. Шөнө дунд босох, өдөржин унтах, хэдэн хоногоор нойргүй суух, турж үхтлээ явах, гэнэт хагартлаа идэх, гар утсаа гээх, халаасандаа мөнгө хийгээд хэр удсан юм бүү мэд олж гэнэт “баяжих”, ... дуусашгүй ээ ... бараг хэзээ ч эмх цэгцтэй байж үзээгүй, дэлбэрсэн юмсынхаа дунд хаана нь юу байгааг харин номын сангийн католог шиг л олдогийг нь юу гэж тайлбарламаар юм дээ. Юу ч хийхгүй байж байжаагаад миний хоёр гурван хоног шагайн байж барсан номыг хэдхэн цаг уншиж тавьчихаад дахиад л юу ч хийхгүй дээшээ харж хэвтээд л байгаад л ... би наана нь учиргүй хөдөлмөрлөөд л, уншаад л, цаас шаржигнуулаад л ... үр дүн нь бараг адилхан. Бурхан жоохон шударга биш л дээ, өөдгүй. Айлын том гээд тэгсиймүү ахад л хамаг сайн генийг харамгүй өгч гэрийн гол гол номинацийг хамуулж байгаа юм, гэрт хамгийн царайлаг нь, мэдээж хамгийн толгойтой нь, хамгийн хамгийн ... гэтэл би яав, ээж аав хоёрын хамаг л болохгүй хэсгийг нийлүүлээд нэгэн сонин ситуаци бүтсэн нь ига байх жишээтэй. Гавал төрсөн бол гомдолгүй л байх байлаа. Гэтэл яс юман дээр өнөөх гавал номинацийн эзэн болсон ах минь залхуу шалгаруулалтад дэлхийн стандарт давхар хангаад, дэвшиж шалгарч шуугиулаад байна шд, хмн. Залхуу ахаас болоод л “99 хувийн хөдөлмөр 1 хувийн авъяас бол амжилтын үндэс” гэх мэргэн үгийг уухайн тас хүлээн зөвшөөрөх болсон юм даа гэсэн. Хоёрхон насны зөрүүтэй болохоор хар багаасаа л муудаж, зодолдож, муухай харж, сайндаж, сайхан загнаж хамаг аашаа баралцсан болохоор байхгүй хооронд нь санаад, гундуу байвал нь өр өмрөн боддог ч ил гаргаж хэлэх биш дээ. Зулай гишгэж төрсөн ахан дүүс нэг иймэрхүү. Ахаар төлөөлбөл гавал + залхуу = эр хүн :))))) Тоглосымоо. Энэ ердөө оршил л доо...

Оргил хэсэгт ...

... Эр хүн төсөөллийг бүрдүүлсэн зайлшгүй хэдэн заалт бий. Мөнгө, эрх мэдлээр биш, шударга үнэнч зангаар хүнийг хэмждэг болохоор сайхан ч амьдарч яваа, гундуухан ч зүтгэж яваа, хүн шиг хэдэн найз нартай. Хэзээ ч анд нөхдөөсөө урваж, ар хударгаар хутга ирлэх юм хийхгүй, далдуур хүн муулж хор найруулж хов хутгаж суухгүй гэдгийг мэддэг болохоор ... дарга цэргийн хөлд нь суун байж сайхан амьдрах тухай биш, тархиа ажиллуулж жирийн шударга амьдрахыг илүүд тооцдог, хааяа гайхмаар гэнэхэн ч гэлээ итгэл үнэмшилдээ бат зогсож, холбирч шарваад байдаггүй гэдгийг нь хардаг болохоор энэ бүхэн нь нийлээд цөөн үгтэй, шударга, ухаант Эр Хүн төсөөлөлд буудаг л даа. Ийм байж чаддаггүй эр нэртүүд нүдэнд торж үлдэхгүйгээс болоод би баларч байшд гсн.

... Энэрэл хайр зүрхэнд нь багтдаг
Эргэх дэлхий ухаанд нь багтдаг ...

... Өөрөөсөө намхан ээждээ үнсүүлэхдээ
Таныхаа хайрыг даахгүй нь гэж шимширдэг ...

22 comments:

Б. Тэлмэн : said...

Ах хүүг чинь жоохон ташуурдаад авбал уг нь овоо юм дуулгах нөхөр юм шиг санагдлаа, тэгэхдээ л амжилтанд хүрэхэд эцсийн үр дүн нь бус үр дүндээ хүрэх гэж тэмцэж явсан зам нь чухал гэдэг үгтэй хатуу нийцдэг. Мөрөөдлийн ханхүү чинь магадгүй намгийн ногоон мэлхийний нөмрөг нөмөрчихөөд суугаад байгаа ч юм билүү, тэрнийг нь л чи л олж уруул дээр нь үнсэж ханхүү дүрд нь буцааж хувиргах ч юм билүү. Амьдрал ер нь сайхан шүү дээ.

Anonymous said...

Ахдаа алуулахна л дээ

Tsolmon said...

Ingagiin blogiig ertnees unshih durtai baisan, amjilt husii

Hvsliinjiguur said...

Ахтай байх сайхан юмаа. Би ч 4 дүүгийн ах нь юм болохоор нөгөө хэдийгээ чирч явахаас өөр яахав. Нэг ахтай байж үзэхиймсаан.
Эсвэл сайн ах нь байж чаддаг боловуу. Дүү нараасаа асуухиймсаан. Уулзалгүй удлаа даа. Агаагийн дүү нараа Агаа нь та нартаа хайртай шүү.

ZAYA said...

Инга чи ямар атаархмаар юм бэ? Би ахгүй ш дээ. Хичнээн их мөрөөддөг билээ. Тэгсэн яав, би өөрөө эгч...
Гоё юмөө

Ангаахай said...

заа Инга өөрөө даруухан загнаад зүгээр. чи өөрөө ийм, чамаас ухаантай гэвэл ах чинь бараг гэгээрэлд хүрсэн байлгүй...

Ганаа_бж said...

Goyo bichjee.

ganga said...

ахыгаа шүтээд өсчихөөр нөхрөө харьцуулж ах шиг биш болохоор тиймхэн ... Ахтай байх сайхан шүү.

Javkhlan said...

зарим тийм замбараагүй хүмүүс чинь эмхлээд юмаа тавьчихаараа юмаа олохоо байчихдаг гэсэн.

Anonymous said...

Ha ha ha ahiigaa yaj ingej onoj durselweee. hah ah aha

Шижирээ said...

Худлаа даруухан загнаад л ... Лаг байж ... Хүндлээд бишрээд сүйд болж байхад чинь. Чи шүү.

Арсун said...

Сонирхолтой бичжээ. Өөрийгөө олж харав.

ZAYA said...

Арсун: Ига та 2 ах дүү юм уу? Үгүй энэ блогчид сүүлдээ ах дүү болох нь ээ. Удахгүй аав ээж нь гарч ирвэл гайхах хэрэггүй юм байнаа. Хэхэхэ

Эрхэс said...

Hehehe,gaval ahiin avyaslag duu yum biz dee, tegvel.
Shaal uur yum yarichih uu, heheh, bi naad er hunii tuhai duug chini ene zun, huduu baihdaa, duulah gej baina gej huulaad hayasan sh d.
Hajuud baisan er humuusiin hiimori ni zugtaachihsan baih aa, hehehe.

Ангаахай said...

хэхэ юун ч тавьтаргүй хиймортой эрчүүдэв дээ...

Эрхэс said...

Aan harin arai l denduu muuhai duulaad, duug ni gutaagaad hayachihsan bolohoor l ter baih l daa...

Anonymous said...

xexe unexeer xugjiltei yum bn.

Transparency said...

hehehehe, ahad chini helne deeee gsn

Tsolmon said...

uchdur dahiad uzsen chini daraagiin uil yavdal nudend haragdaad laag kaiftai bailaa

monzaluu said...

Блогчидоо вэб мастеруудаа хөх Монголын хийморлог залуусаа

Эх орныхоо төлөө нэгэн сайн зүйл хийцгээе!
Гадаадад байгаа залуусынхаа оюуны хүчийг нэгтгэж эрхэм андууд та бүгдийг Монголынхоо төлөө бүгдээрээ нэгэн сайн үйлс хийе гэж уриалмаар байна. Бидний нэгдсэн хүч, дүү хоолой хаа ч хүрч юуг ч өөрчилнө шүү.Юуг хаанаас яаж хийхээ ярилцъя залуусаа.Энэ зарлалыг цааш нь тараавал баярлана шүү!! :) Сэтгэдэлээ бичээрэй.www.monzaluu.blogspot.com

egch said...

ih hoorhon bichjee. Ah l bol ah...hairlalgui yahav
gevch busad ni ohoordood yahav dee...
mongol zaluuchuudiin tugeemel shinj...
ene gerleheeree neg hunii ohin uriig tamlana daa, ya ya ya

White Wing said...

aaya aya! Gueeeee! mon marzan bichih um aa Tataj unah nee