Friday, 9 June 2006

Raise The Red Lantern

☆ 2006-Jun-9

125 минутын турш саарал хана туурга л харагдана, энэ үхмэл орчныг час улаан дэнлүү үе үе галзууруулам асаагаад бөхөх ийм ганц л зургалал дунд бүх үйл явдал өрнөөсөөр дуусах сонин кино нэгийг үзлээ. Мэдээж аймшгийн кино биш. Аль 1991 онд бүтээгдэж (үнэ цэнээ алдаагүй байгаа нь ойлгомжтой) 大红灯笼高高挂 буюу “Raise The Red Lantern” нэрээр барууны оронд нэлээд хэдэн шагналыг хамж авсан ази кино, найруулагч Жан Имоу 张艺谋-ийн том бүтээлүүдийн нэг юм байна.

Манж Чингийн төгсгөл үед л бололтой, баян хөгшин хятадын дөрөв дэхь эхнэрээр 19 настай охин Лень Сун ирж, тэрхүү бяцхан “хориотой хот”-д хөл тавьсанаар өрнөл эхэлж, эхнэрүүдийн хоорондох далдуур өрсөлдөөн, явуулга, арга заль, булхайд орооцолдож, хутгалдаж, өрсөлдөж, цөхөрч буй эмгэнэлт хувь тавилан, гашуун амьдралыг харуулах юм. Мэдээж дөрвөн эхнэр дөрвөн өөр цаг үеийн дөрвөн өөр зан төрхийг агуулсан ч хувь тавилан нэг л цэг дээр буюу шулмын тойрог мэт эцэс төгсгөлгүй харанхуйруу л хөтлөнө. Улаан дэнлүү гагцхүү улаан дэнлүү л амьдрал дахь цор ганц баярын зул ... энэ улаан дэнлүү чухам ямар ид шидтэй гэж? Асаасан дэнлүүг аль эхнэрийн өмнө авчирч тавина, тэр шөнө ноёнтон ирж таална. Эшшшшш. Өрөвдмөөр гэхэд дэндүү ....

Энэ киноны хамгийн гоё нь найруулгадаа. Ердөө 10 орчим хүн дөрвөн хананы дунд л тоглосон, гэхдээ дөрвөн эхнэр, нэг шивэгчин охиноос бусад нь кадрт бараг үзэгдэхгүй. Хамгийн сонирхолтой нь эхнэрүүдээ таалагч ноётон ч царай нь үл харагдана, зураглалыг ингэж шийдсэн нь тасархай, тэр бол хар сүүдэр мэт хүн, хаа сайгүй байдаг ч “харанхуй”-г харж болдоггүйтэй яг адил, энэ бол киноны гол зангилаа болсон өгүүлэмж нь. Улаан дэнлүүг өөрийнхөө өмнө тавиулах нь эхнэрүүдийн цор хүсэл, гэвч хүслийн цаана тэр час улаан гэрлийн ард өнөөх л хар сүүдэр ...
Хятадын уламжлалт нийгмийн дэвсгэр дээр, бүхэлдээ гутранги шинж агуулсан ... гэхдээ л лаг кино юм аа.

Киног үзээд эмэгтэй болж төрсөндөө гутрах шахав, сэхээ ороод өөрийнхөө цаг үед баярлавшд. Уг киног санал болгосон найздаа бас баярласнаа хэлэхгүй бол алуулна гэсн, хайртай шүү үнжий үнжий чихшиг.


Сэтгэгдэл (5) :: Сэтгэгдэл vлдээх! :: Холбоос

2 comments:

Anonymous said...

aan. ene kinog uzsen yum baina gevch tuhain uyede sain oilgoogui. gol duriin emegtei aluulad togsson uchir taalagdaagui. haana-d zevuu hursen. emgeneltei kino baisan. imerhuu kino uzeed baival setgelgee mani ch gutrangi bolj medne shuu. gevch gun uhaani -g oilgoson chamd bayar hurgeye. torson setgegdliig chin unshaad arai oor bodoltoi bolloo.

Эрхэс said...

Zhang Yimou giin kinonuudiig taalagchiin huvid ene kino ih taalagdsan. emegtei huniig tusgaarlaj jijighen torond shuvuu shig hiigeed husel setgel durlal buhniig ni neghen hund chigluuleed, zugeer ch gui hoorond ni uraltsuulaad, ene baidlaas garah arga olsoniig ni buur yu ch gui bachim ambaart horij alaad l.
Noyonton neeh tiim ch bas sexy zaluu bish yum shig bgaa yum aa, gehdee ulaan gerel asahad noyotong dagaj irdeg buhen jargal. tegeheer ih sain tactiktai noyonton yum shig bgaa yum, hulnii massage, buh l busad ehner avgaichuudaas hamgiin hamgiin buhniig edlej bgaa ni chuhal yum shig.
Emegtei humuus gej...