өнгөтэй сараачмалууд

Баларч байнаа

Унтаж унтаж боссон чинь нүд бөөөв бөлцөн болчиж ... бусдад бүлцгэр харагдах минь ч гайгүй, өөрийгөө тольдоход онцгүй байн.
өчдөр ээж утсаар яриад мөрөө гаргах зүг чиг, унших тарни мэгзэмийг минь хэлж өглөө. сүүлийн хэдэн жил мөр зөр гаргаагүй э, утгагүй л эд юм ш дээ уул шугамандаа гээд орхисон юм, энэ жил ээж заавал гарга гээд байдаг, гаргаад өгье л дэ хэхэ. арван жилд байхад шинийн нэгний өглөө мөрөө гаргах гээд гарахаар нээх алиа байдаг байжу, хажуу орцны хэн бас гараад ирцэн, янзан бүр болох ёстой байдаг, ичээд байдаг, цаас маасаа сэмхэн урж эдэр, шүдэнзээ гялс асааж хаяад л ... хөгжилтэй.
нээрэн монголд энэ жил цагаан сарын шинийн нэгэн 8-нд гэнэ, тэгсэн хятадад 7 нд шү дэ. гүй тэгээд хятадад байгаа би одоо яахуу, монгол хүн юм чинь 8нд мөр гаргах уу, хятадад байгаа юм чинь 7нд гаргах уу... айхтар том юманд уналаа шүү, хоёр өглөө мөр гаргачихвал лус хилгэнээд ниргэчүүл надаас юм үлдкү дэ ... хэзээ хийсэн үйлийн үр вээээ .... :)
---
Гэснээс энэ европчууд ер мөрөө гаргахгүй, нэг ч тарни мэдэхгүй байж яваад л байх юм, төрөнгүүт нь засал масал бүгдийг нь хийгээд өгцөн бурхантай байдым болуу, тун сэжигтэй шү, тэгээгүй бол өдийд шонхор хамартууд суудал хазайгаад мэнгэ нь голлоод жил нь ороод баларч байхгүй юу, хийморь нь хэцүүдэхээрээ яадаг юм бол доо хөөрхийс ... сайхан даллага авахуулаад сан тавиулчуул зүгээр болчдышд гээд хэлэх юмсан. бид ч мөн азтай улсууд юм да, мөнгөөр бороо оруулах ном уншчуулчихад л ок шү дэ, яг орохгүй байгаа ч гэлээ орж л таарна гэж төгс итгэлтэй. юун тэгж өрсөлдөж, хуруу хумсаа хэмэлж, хөдөлмөрлөж, тамаа цайх ч үгүй ... :)))
2008.02.04

Нарны охин

Оюутан байхад нэгэн ер бусын үзэсгэлэнтэй охин манай сургуульд сурдаг байлаа. Сийлбэр шиг хөөрхөн хамартай, тунгалаг сайхан нүд нь нимгэн давхраатай, гэрэл цацарсан царайг нь харсан бүхний сэтгэл сэргэм, энхрийхэн цэвэрхэн үнэхээрийн бишрэм үлгэрийн дагина шиг охин байсан. Дэргэдүүр алхаад өнгөрөхөд үзэсгэлэн гоог нь алмайран гайхсан эрэгтэй эмэгтэй хүмүүс нүд салгалгүй ширтэж зовоодог болохоор хүнтэй харц тулгарахгүй гэсэндээ юмуу, дэндүү их үзэсгэлэнгээсээ ичингүйрэн залхсандаа юмуу голдуу харцаа бууруулж хөнгөн зөөлөн алхаагаа хурдасган өнгөрдөг, эгэл даруу энэ зан нь тэр охины гоо зүсийг улам чимээд манай сургуульд хүндэлж дурлаагүй хүн үгүй болсон доо. Нэг удаа би хичээл тараад явахаар сургуулийн хаалга түлхэх гэтэл цаанаас хаалга онгойж гаднаас тусаж буй нарны гэрэлд орж ирж байгаа хүний дүрс үзэгдсэн нь мөнөөх үлгэрийн дагина байлаа... Хөвсгөр задгай үснийх нь ширхэг бүрийн завсраар нарны гэрэл сацран туяарч ... ээ бурхан минь ... усан болор тунгалаг нүд, уран гоо хос хөмсөг, ариухан царайд нь тодорсон зүрх нэвтлэм инээмсэглэл, даруухан атлаа эрхэмсэг зөөлөн энэ бүх төгс төгөлдөр төрх нь найрагч шүлэгч нарын хэдэн зуунаар бишрэн дуулдаг нарны садан охин тэнгэр дүрээрээ зогсож байна уу гэлтэй.
Азаар би эмэгтэй юм даа, бас шулуун юм даа. Тэр үед би гэдэг хүн анхны хайрандаа сохроод, дээрээс нь хүнийг нүглийн нүдээр харж мэдэхгүй гэмгүй ариухан амьтан явлаа шүү дээ, хэхэ. Гол учир нь зураг зурах хоббигоороо төгс гоо үзэсгэлэнг эрэлхийлсэн уран бүтээлчийн эрэл хайгуул байсанд оршино \ой\
2008.01.27

Шинэ суваг --- башийлт

International Chanel Shanghai -ICS гэж нэг суваг шинээр гарсан биш мань энд башийж байнаа, голдуу айнглишаар хөтөлбөртэй байдаг ч гол нь бусад сувгаар хэзээ ч үзкү бука нэвтрүүлгийг эндээс үзээд хэсэгтээ л баясаж байн, Хамгийн сүүлийн үеийн дуунууд, кино гарч байна гээл бод ... барууны ертөнц, рок хамтлаг, хөгжөөнт нэвтрүүлэг байнаа байн. Яг одоо Green day live concert гарч байх жишээтэй. Эртээд Backstreet boys-ийн шинэ дуу нь явж ч байх шиг, гайхсан гэж.
Энд чинь ноднин гэхэд л аль диван галавт балай аваад дууссан, маний мангар бацаан байх үеийн хит Lonely ... од болоод байгаамуу яагаад байгаан дэлгүүр болгонд эгшиглээд гачин байдаг тиймэрхүү газар шү дэ, эднүүсийг мэдкү биш, тоосон ч гүй. ккк
Гэснээс энэ Green Day гоцлол дуучныг яахуу, арзгар үстэй нүдээ хараар хүрээлсэн рок, альтернатив залуус... үнэн күүл, аймаар hoooot ... бодонгуут бэржийжийн ...:)))
2008.01.25

Бүжиглэсэн нь

за жоол тэмдэглэл сараачья. Шинэ жилээс хойш юу болсон хэн хэнтэй жиг ургуулсан, ургасан жиг нь жиргэсэн үү жаргасан уу, хэний уусан архины лонх хамгийн цөөхөн\олон байв, хөшигний араар болсон шивнээ, шивнээнд унасан аавын хүү ээжийн охин яг яасан, гэх мэт эрээвэр хураавар огт хэрэггүй мөртлөө орхиж боломгүй ч юм шиг асар олон үйл хөдлөлүүд байх юм.
Гэснээс шинэ жилээр яасан гээч? Шинэ жил ... ияа тасархай ... хэд хоног л бүжгийн хамтлагт дүрдээ итгэсэн хүн бүжигтээ бэлдээд л ... манайхны бүжиг эвлүүлэг маягийн ... эхлээд модон хүүхэлдэйнүүд шиг дин дин дон дон гэж огцом огцом хөдөлгөөнтэй гарч ирнэ, залгуулаад жексон акагийн бүжгийг хийнэ ... дүндүн дүррүү дүндүн дүррү, ... үнэн цоглог, шууд араас нь секс бомб секс бомб ю а ма секс бомб ... тэгснээ реп бүжгийн төрлөөр түнтэгнэлдэж байгаад дуусчугаам.
Яг бүжиглэх талбайгаа очоод харсан чэн... ижээ, гял цал тод гэрэлтэй нүд сохром. Одоо яанаа, циркийн манеж шиг төсөөлж очсоныг хэлэх үү, бүжиглэхэд зориулсан бүдэг гэрэлтэй, асар армаантик... тэгэнгүүт хоёр гурван талаас өнгө өнгийн прожектор тусгаал бид бүжиглээд л, улсууд шүгэлдээд л ... од гээд төсөөлцөн байшд өөрсдийгөө. Байгаа байдалтайгаа эвлэрч ... хм, дандаа л эвлэрч ирсэн, ер нь санаснаар минь болдог байсан удаа байсан ч юм уу санах ч үгүй байн. Одоо тэгээд эвлэрнэ дээ, бөөн далим, ингэж эвлэрнэ, бүжгийн багаараа шил юм задална, аая тоглосын, дор бүрнээ пяав уув, вино уух нь уув, би бүгдийг нь уув,,, цагаа тулахаар уусан алкагоол нь хаашаа орчдын бүү мэд, уугаалайсан уугаалайсан ... номер гарах дөхөөд байдаг, цоо эрүүл улам саруул болоод байдаг ... зүрх мүрх гар хуруу чичирч салганаастай, гүйцээ шилээр нь хөнтрөв, шууд мөлхөв ... харамсалтай нь үгүй л дээ, цоо эрүүл байсаар бүжиглэсэн, бүжиг дуусахад, нижигнэсэн алга ташилт, ига чи хамгийн мундаг нь, игад бид хайртай, ига бол саак гэсэн том том бичиг барьсан фенүүд минь уухайлана, тэдэнрүүгээ агаарт хий үнсэлт илгээсээр тайзнаас салж ядан буулаа, фенүүд минь дахиад нэг бүжиглээч гэж тасралтгүй шүгэлдэнэ ... аргайгүй шүү дээ бүжгийн төгсгөл гэхэд маний хөл гуйвсан, тоглой мансуурсан, хий юм үзсэн, хагас галзуу амитан болсон байсан, ккк ... сургуулийн маань хэдэн хүүхдүүд тосон авч та нар лүүнзээ байлаа гэсэн нь хамгийн том шагнал болов гэж.
Бусад сургуулийнхан бүжгийг маань хараад бэлдсэн номероосоо ичээд гараагүй гэнэлэй. :D болтугай.
2008.01.14

гарчиггүй

Т, Э хоёр хамтдаа ... инээлдэж, тоглож, үнсэн эрхэлж тэр гэхийн тэмдэггүй баярлан хөгжилдөж байснаа гэнэт Т юу ч хэлэхгүй хувцасаа өмсөөд гарахаар зэхэх, царай нь хөшүүн болж инээж байсан ул мөр ч үгүй.... Э юу ч асуусангүй, зэрэг шахуу босон хувцасаа өмсөнгөө ундуй сундуй зүйлсээ дээш нь тавьж, хийх юмаа гэнэт санасан аятай, Т-ийн ийм огцом эргэлт болох ёстойг мэдэж байсан юм шиг, чив чимээгүй, яав ийв гэж асуусан ч үгүй ...
Т гарч хаалга хаагдав. Э ширээнийхээ ард суув. Хоромхон зуурт тэс өмнөө зураглал, яг киноны кадр солигдох агшин шиг, ... Э сэхээрсэн мэт энэ эгшин зуурын эргэлтийг нэг бодолхийлснээ, буцаад ПиСи-ний ард ажлаа бичиж эхэлнэ, сэтгэл нь хөнгөн ...

5 минут бололгүй хаалга тогшив. Онгойлгоход Т, орж ирээд Э-г тэврэн үнсэв ... юу ч болоогүй мэт ... буцаад яриа өрнүүлэн инээлдэнэ ...
2008.01.11

толгой холбож сурав

хөлдүү төмс шиг хөөрхөн залуу чинийхээ
хайлсан жиклаад шиг халуун уруулыг саналаа
wooh
хайчилсан цаас шиг зүрхээ
хайрцагт хийгээд хадгалюу
yeah
хэмхэрсэн тоглоом л юм даа
хогийн савруу чулуудлаа
yes!!!
\дальчигнал-1\

буржгар сэгсгэр үст гавлыг чинь шүтмээр
бусдад байдаггүй сод ухаанд чинь унамаар
биеийн халуун гал илчинд чинь шатмаар
бодлын этгээд гаж сэтгэхүйг чинь гайхмаар

нуугдмал төрхийг чинь бэлэг болгон задалмаар
нууцлаг харцыг чинь зураг болгон хадгалмаар
дуугүй инээмсэглэлийг чинь зүүд болгон тайлмаар
дөлгөөн дүрийг чинь салхи болгон үлээмээр
\дальчигнал-2\

Зө
Дальчигналаа ийгээд үндөрлие
Давраад догдлоод
Донслоод дэвхрээд
Дуусахгүй шинжтэй \оопс\

Тренижёр дээр тав суниагаад
Гэдэсний булчингаа гурав шалгаад
Мөрөөрөө кофегоо юүлэнгээ
Минутын жаргал эдлээд
Үр дүнгүй ажлаа үргэлжлүүлэхгүй аваас
Өнгөрлөө өнөө сэгсгэр ига чэн
2008.01.10

үүр цүүрээр

нойр хулжив, угийн шар шувуу би бээр нэг хэсэг болжмор болох гэсэн биш ритм алдаад бараг баавгай болчих шахсансан. одоо шар шувуу ч биш, болжмор ч биш, баавгай ч биш ... үнэг болж байх шиг.
амьдрал аа гэж, арвалзсан юм байхым, аймор ... Өчдөр нэг хүү "амьдрал угаас утгагүй аж, мөнхийн зүйл гэж бий юу???" гэх мэтээр гүн ухаандахаар нь "энэ номыг умш хичээл номоо өөрөөр харна, хийх юм чинь тодорно" гэхчлэн сургамжлах аядтал өөдөөс "математик үз, амьдралыг асар өөрөөр харна" хэмээн айлдав. 20 хүрээгүй хүүхэд шү дэ, гоё доо л орж байна, гэгээтэй л байн ирээдүй.

Шинэ он гарах гээд байгаа сурагтай. сураг л сонсох юм, баярлах хобби багатай хүн ч арзайсан олны дунд паниктаж суух гэмгүй байх ... уйтгар л төрнө дөө мэдээж.
кофе угсруулсан гүн шөнө уртаас урт ... хамгийн урт шөнө ... шөнө шөнө шөнө шөнө шаал утгагүй юм, шөнө шөнө шөнө тээр ... хэн зохиодог байна да.
2007.12.22

ухран давших

Саяхан хятад тв-р орчин үеийн хятад хүүхэлдэй үздэг юм байн.
Аль нэг офисс өрөөнд нэг хөгшин, эр эм хоёр залуу сууж байтал ялаа дүнгэнээд салдаггүй, хэн алахав яахав ийхэв болсонд хөгшин нь "настан надаар алуулахгүй байлгүй хоёр оо" гэж, залуухан хоёр нь таг, босох янзгүй. Энэ үед дарга орж ирэв "та 3-аас нэгийг нь тушаал дэвшүүлнэ, гэхдээ хэн нь илүү кок-той (表现) сайн байгааг харгалзана" гээд гарав. Өнөө гурав ч кок авахаар нэгэн зэрэг ялааны алуурлуу ухасхийв. Гурвуулаа зодолдоод, бөөрөнхий тоос болтлоо булаацалдав. Тэгтэл хөгшин нь за за миний ажлын карьер ч гэж юу байхав, залуу улсууд байна та хоёр минь үзэлц дээ гэж "найр тавив", хоёр залуухан нь баярлаад л хоорондоо бөөрөнхий тоос бужигнуулан зодолдож гарав. Гэтэл яасан гээ ... хөгшин нь тэр хооронд ялааны алуурыг нь барьчихсөөн ялаагаа алж эдэр, хоёр залуухан нь зодолдсоор ... яг тэр агшинд дарга орж ирэв, харав ...

Хүүхэлдэй нь хүртэл тийм санаатай наасан. Тэр хөгшнийг за тэгмээр дээ ухааны юм бодож байсан чинь юу вэээ ... Айлын хүмүүс айхтар шөө ... хар багаасаа...
2007.12.18

Мэднэ

нүдний саарал хүрээг чинь
халуун амьсгалаар төөнүүлэн сорлоо
нэвтэрсэн сэтгэлийн зовхийг чинь
харж байгаад норгон харгислав
таван хурууны илбээнд арзгар үс чинь
салааран урслаа
тэвчээр алдах өчүүхэн эсүүд чинь
тусдаа ертөнц?
/"Ээ чааваас" түүврээсээ ишлэв, ингэж гоймонтов/
2007.12.17

Гунигт

Ойрд энэ хавийн тэнгэр миний ааш шиг харанхуйлаастай, гүн углуургын санаа алдалт гадаагуур шуугин исгэрээд, цастай нөхцөж үзээгүй цэвдэг салхи час хийтэл царцаана ...
хөлдүү зүрхэнд хүйтэн бороо цутгах шиг, сормуусны будагтай хар нулимсууд гудамжаар горхилоод, аналитик царайлсан хүнэнцэрүүд шүхэр барин гүйлдэх ...
цонхны дэргэд хөшөөд, синтетик чамайг нүдээрээ эрэн төөрнө ...

Бороотой өглөө чамайгаа үгүйлээд
Бодлын наранд өртмөөргүй өнжмөөр
Бор дарсанд согтмооргүй дуулмаар
Балтай зөгийг үргээмээргүй энхрийлмээр

Сэтгэлийн булаг минь чамруу үерлэнэ Хайрт минь
/оюутны гэгээн дуунаас амандаа бүдэг аялах/
2007.12.13

Спортмаа

Давахгүй гэсэн даваагаар гурав давна гэдгийг саяын хагас сайнд биеэр мэдрэх нэгэн үйл тохиолдсон нь бишыхан би бээр сагсны тэмцээнд оролцож самардан маажилцах эм зоригийн тулаанд дайран орсон хачирхалтай явдал байлаа. Зөв өтөлж зөнөхгүй үхэхиймсан даа, гэхдээ л нальчгар болохоос пальчгар биш, яадын арга саамаа боловсруулна, башир замаар хэрэгжүүлнэ ... гурвын зайнаас гарна, гүйж харайж дамжуулна, бөмбөг таслана, залаад зугтана, холбогч болно, аваад шиднэ, даваад углана, дандаа гооол ... (ааяе наасан), өрсөлдөгчөө татна, зулгаана, үсдэнэ, самардана, өшиглөнө, тийрнэ, ёвроно, ёнгсдоно ...

Орой нь тэмцээнээ тэмдэглэж архи уув, боодог идэв, авгай эргүүлэв, задгай авав... : )) орон тоо бөглөж шатар нүүв, үүр цайтал өрөв, нүүр улайтал уув, нүд анилдан тасрав аа гэжжжж. Спортоор амьсгалсан энэ уикэндээр хотол цугласан түмний газарт нүдээ ч ирмэж сэтгэлээ ч гижигдүүлж биеэ ч нуржигнуулж хийморь юугаа дэрвүүлвээ.

Далимдуулаад дампуураад далжийтлаа гилжийтлээ чаатлаваа бас.
Чөлөөт цагаа зөв боловсон өгөрөөцгөөе, энэ мэт :b
2007.12.03

Бүтэнсайны бичээс

Бүтэнсайн болохоор сайн дураараа жингүйдэлд автаж урьд хождын элдэв явдлыг бодлын ээрүүлд хөвөрдөн суухуй...

Дурлалт мянган эрсийн тухай түмэн дурсамж минь үл тасрах. Энэ өдрийн дурдатгалд Илюмжинов ака тодрон гийхүйд тэртээх өдрүүдийн кадрыг тэрхэн даруй replay хийв. "Миний зам" хэмээх бэсрэг дурсамжыг нь олж аваад чичирсэн гараар хуудас бүрийг нандигнан эргүүлэхэд зүрхний хэмнэл алдаж цээжнээ баяр бялхсаар төгсгөлийн хуудсыг хаах тэр агшинд бундан минь бусдынх болсон байвай, бас л дахиад дурласан байвай. Орон дээрээ үсрэн унаж дэрэн дээр толгой тавиут түмэн мөрөөдөлд умбан жаргавай тэгээд дуусахгүй ургуулан хөөрвэй. Нэг сэрэхэд өглөө болжээ, нандин дурлал минь түүх болжээ, нахин хайрлууштай дурсамж үлдээжээ.

Сайхан хүний сайхан явахыг харна гэдэг сав ертөнцөд хүн болсны бас нэгэн хэрэг гэж Чойном сартваахи айлдсан гэдэг.

Дурлал үгүйгээр яахин амьдрах, "өдөр бүр дурла өөр өөр хүнд дурла". Насны ганцхан хайраа олсон бол "өдөр бүр дурла түүндээ, өөр өөрөөр хайрла тэрнийгээ". Би өчив.

Амьдрал бол тайз гэнэлэй, өдөр бүр шинэчлэн найруулж байх ёстой жүжиг юм гэнэлэй. Би хэлээгүй.

"Өр шир" нэхэлгүй өдөр бүр дурлаж чадвал гавж хүртсэн ламаас дутуугүй гэгээрлийн шатны гишгүүр дээгүүр гүйж яваагийн шинж тэмдэг, сав ертөнцөд хүн болсны бас нэгэн хэрэг гэж Чойном яг айлдаагүй гэвчиг ийн бодсон нь лавтай.
2007.12.02

Ялгаа

Миний нэг найз (нийгмийн ш/у-ы хүн л дээ) оюутан ахуйдаа сэтгэлд нь бүрэн нийцсэн нэгэн сайхан хархүүтэй үерхэв. Тэр нь МУИС-ийн физик электроникийн сургуулийн хүү. Хаврын урь орсон дулаахан өдөр Улаанбаатарын гудамжаар зугаалан алхаж байхдаа бүсгүй нь ихэд уяран романтик уур амьсгалд автаад асууж гэнээ:
"Ямар хүнийг соёлтой хүн гэх вэ?" гээд асуултандаа түрүүлж өөрөө хариулан: "Шоргоолжны үүр санаандгүй эвдсэн бол бүх шоргоолжноос нь уучлалт гуйж чадах тэр л хүнийг соёлтой гэнээ" гэхэд хайрт хархүү нь нэг л сонин чухал царайлан бодож байснаа: "Тэгээд бүр бүгдэнгээс нь үү? Яаж дээ, нэг бүрчлэн уучлал гуйна гэвэл бүтэшгүй ... ... нэг шоргоолжны үүрэнд ... тэдэн ... шоргоолж ..... .... " ..... Охин дотроо "... ээ л дээ". Хожим салаа замын эрхээр харамсалтай ч гэлээ салсны дараа мань бүсгүй найзууддаа аминчлан "дахиж байгалийн ш/у-ы хүнтэй үерхэхгүй" гэж /гомдонгуй/ хэлжүлэй. Ядажийхад тэр хархүү нь "төрцөн" товарищ байж л дээ /бас дэндүү прагматик хандсан байх хожим нь ч/

Ингээд л байгалийн болон хүмүүнлэгийн ухааны хүмүүс жаахан өөр байх юм даа. Манай ахын айлдсанаар бол "танайхан (нийгмийнхэн) чинь шалгалтан дээрээ "миний бодлоор" гээд л яриад байвал оноо өсөөд байхад, манайхан (физикийнхэн) тэгж дугарвал чиний бодол яг ямар хамаатайн гаааар эндээс гэнэ шд" :))
Ер нь миний бодож байгаагаар :b суурь шинжлэх ухааны хүмүүс нийгмийнхрүү хөрвөхдөө ч тун хялбархан бас амжилттай байж чаддаг нь инженер сэтгэхүй энэ тэртэй холбоотой байх. Одоо ч мань мэт нь хөгшин морь жороо сурав гэгчээр суурь ш/у-руу зүтгээд ч яахав, харин сураг нь үгүй үр күүкдийн мэргэжил нь болохоор шууд тодорхой шд :))

сонирхуулахад ... Одоогийн хятадад, улсын дарга, ерөнхий сайд гэх мэт удирдагчид болох 7, 8 бүлэг бурхинууд нь Цинхуа их сургуулийг төгссөн бүгд инженерүүд байдаг, бүр бүгд шүү. Харин энэ жилээс бүрэлдэхүүнд нь нэг эдийн засагч багтах болсныг гадны шинжээчид тайлбарлахдаа, хятад улсын эдийн засаг хүчирхэгжиж олон улсын тавцанд "наймаалцал" хийдэг болсны учир ийм хэлцэлд уян хатан хандаж чадах маневарлаг, дадамгай хүн шаардлагатай болсных гэсэн байв.

Ядахнаа шоргоолжны үүрэн дээр бол хэрэгтэй л юм билээ.
2007.11.29

Хүн болж ялаа алах

ТВ үзээд балет гарахаар балетчин болмоор санагдах юм, тэгэнгүүт умгар квадрат дотуураа өлмий дээрээ гүйх юм ... теннис гарахаар теннисчин болохоор мөрөөдөөд, агаарын теннисээ тэврээд сууна, тэскү бол гарна ... Beautiful mind үзээд эрдэмтэн болохоор шулуудаад номын санруу харайлгана ... гоё зураг харуут хоббитож бийр будаг ус цаас ... Forrest Gump-г үзээд гүймээр санагдаад л ... Заримдаа мафийн толгойлогч болмоор ч бодогдоод л .... Арай л мисс үзээд мисс болно гэж нүдний булай царайлахгүй нь бурханы аврал, угийн нальчгар төрсний минь ганц гавъяа. Ер нь бол зураач, бүжигчин, сансрын нисгэгч, эрдэмтэн, нарийн боовчин, зохиолч, кино найруулагч, цаг засварчин, наймаачин, яруу найрагч, ерөнхийлөгч, уран гулгагч, химич, мафийн толгойлогч, даяанч, оёдолчин ... болмоорайн. Гачин гоё солгой хоолойн ачаар овоо дуучин болохыг хүсээгүй, бөөрөнхий бээлийнд нь дуртай ч боксчин болохыг бодоогүй юм шив.
Амьдрал үзэж буурь суусан учир мэдэх, ухаантай хүний үгээр энэ бол ийх дэмий, намба сууж ухаан ороогүй, нас тогтсон ч санаа төвхнөөгүйн архаг эмгэг тэмдэг гэлээ...

ижээ ... яавал хүн болж ялаа алдымб? Үсчсэн бодолтой, үлгэрийн одонд төрсөн, үйлт нэгэн болсон энэ миний хувь заяа ... заяа заяа заяа чи миний сэтгэлийн нараан... орцны дуу ч гоё шүү гсн, дуу амилуулж гитар балбажаагаа дээд ангийн ахын хөөрхөн байсныг хэлэх үү, хөөрхөн хүний хөгширсөн байгаа царайг төсөөлөх дуртайг хэлэх үү... за за хүн болж хүн алах бишээ ялаа алах юмсан даа гэж.
2007.11.23

Амралтын өглөө сэрэхдээ

Нүдэн доторх тоосыг цонхон дээгүүр хөдөлгөж тоглодог Бөөрөнхий, зууван бас нарийхан тоосхонууд Доошоо урсаад л ... Дээш нь би огцом татаж дахиад эхнээс нь унагаадаг Түмэнтээ ингэж тарчилгаад тоосхонуудыг Тунгалаг өглөөний эвшээсэн нулимстай хамт торох юмгүй гоожуулчихдаг ...

Тэр л үед дүр чинь аажим тодордог
Бүдэг бадагхан, би танихгүй л дээ
Зүрхэнд унадаг тэр тоосыг ...
2007.11.07

Саран кейкний баяр болж байна даа. Бид мэт тэмдэглэдэггүй. Нэгд гадгаадын баяр, хоёрт тарвас хагалж иддэг уламжлал байсан гээд, тэр тарвас нь Тогоонтөмөр хааныг хөөж гаргаад баярласандаа монголчуудын толгойг хагалж байгаа дам утгатай гэнэлэй. Одоо гэхдээ тарвас гэхээсээ евэнгээ л иддэг дээ хятадууд.

за баяр ч яахав, сүүлийн үед би бээр болжмор болох санаатай тэмцэж, дайтаж, аргагүй шархтаж, үхэтхийн тэрийж, босч ирж байлдаж ... эцсийн эцэст ялах шинжтэй. Уул шугамандаа насаараа шар шувуу явсан байтлаа гэнэт болжмор болно гэдэг ... үсээ зулгаамаар л байвчиг болжмор байх нь шар шувуу байснаас хамаагүй дээр гэсэн нотолгоог бие дээрээ хэд хэд туршсаны хувьд цаашид хөмхийгөө зуусаар гараа атгасаар, сэрүүлгээ унтраахгүй, унтраасан ч буцаж үхэтхийн унахгүй, ер бусын хүч гарган байж үүрээр жиргэх чадлыг олном. Аяа сурсан занг "сураар боож" болдог л байхгүй юу. Биеэ эрхлүүлдэг хорон санаатай хүний үгэнд бүү итгэ. Болжмор Ига.
2007.09.25

сараачмал хөвөрсөн өрөө http://vimomn.net/

таталсан нь

Нэг зүйл бичих гэж байна ... хадуурсан оршилд:

Хятад дууны сэдэв бараг 90 хувь нь хайр, ядахад дандаа бүтэлгүй наачнаа, тэгээл гутраал гэнгэнээл, үхлийн гуниг хоолойгоор гиншиж алдана. Зарим нэгний нь хайр азаар бүтсэн бололтой, чиний төлөө үхэж чадна, үхсэн ч хайрласаар байх болно жихшиг үгтэй, үлгэрийн гарууд шүү. Цагаа тулахаар үхдэггүй л байхгүй юу, эсвэл дурлуулсан объектууд ийм худлаа үгэнд дуртай байдаг юм уу. Энэ чинь уран сайхны халил шүү дээ гэж тайлбарлах байх, тэгвэл урлаг ч бас мөн чанар дээр үндэслэдэг байх гэж найддаг шүү ... Надад л лав хүн тэгж хэлбэл “хүүх за үхцэн бай даа, чадахыг чинь харъяа” л гэнэ, мэдээж чадахгүй байж уран донгодох илүү л байна. Үнэнээсээ ч бай тоглоомоор бай ч тэгж худлаа солиордог типийн бачкатай анхнаасаа нийлэхгүй л дээ. Хүн хүний өмнөөс тэр тусмаа хайраас болж үхээд л?!, дурлал нь бүтэлгүйтээд амиа хорлож байгаа тэр тэнэг бол хайртынхаа өмнөөс үхэж байгаа огт биш, золгүй өөрийнхөө азгүйтлийг тэвчээгүй хэврэгхэн амьтан байж хөөрхий, ум ма ни ...

Хүн хүний өмнөөс үхэж чадах үлэмжийн хайр байдаг гэвэл ... орчлон дээр миний өмнөөс үхэж чадах ганц л хүн бий, тэр хүн бол миний ээж ... бяцхан хоёр үрийнхээ аврал нь болж ганцаар үлдсэн амьдралдаа үхэх бүү хэл өвдөх эрхгүй тэмцсэн хүн ээж минь л байна ... үрээ аврахын төлөө үхэхээс буцахгүй амьд бурхан ээж байдаг юмаа ... бусад нь дуугай л бай гэмээр байна даа ... \санаа алдалт\

За за ... \хоолой засах\ сүүлийн үед бичлэг их агсан болоод байн. Тэр ч асуудал биш, гол нь юув гэхээр зарим нэг хүн манийг нь сэтгэл мэдрэлийн эмчид очихыг найрсгаар зөвлөж байн, хэхэ ... өгөөмөр сайхан сэтгэлд тань мэхийе, гэвч юунаас болоод тэр билээ гэхэд блог бичлэг , хаха ... Уул нь би боулинг тоглож, мөсөн дээр гулгаж, хоолоо хэвийн идэж, бүжиглэж, кино үзэж, мөнгө бодон гашилж, ирээдүйг төлөвлөж, бодлогширч, дуу дуулж, бас дурлаж хайрлаж ... байгаа. Тайлбар илүүц ч миний төлөө сэтгэл зовниж байгаа хүнийг тайвшруулахгүй бол нүгэл ... Бичлэг бол би биш, тодруулбал би бүхлээрээ биш ... гадуур баахан баясаж дэвж байгаад орж ирэнгүүтээ асар гуниг юм бичдэг ч юм билүү, эсвэл нулимсаа залгин залгин гэрэл гэгээг дүрслэдэг ч юм билүү... Блог дээгүүр яахав олон улсын үйл явдал улс орны амьдрал хөвөрч болно л доо, ном сонин сайтаас уншсанаа өөрийн үзэл бодолд хайрцаглаад эвлүүлээд байхад болохгүй гэхгүй, гэвч ертөнц даанч олон талтай, харах өнцөг хэтэрхий их, амьдрал дэндүү баян... шийдвэр гаргах фактуудыг хэрэгтэй цагт хэрэг болгож ашиглах уу л гэхээс наян мэдээллийг ийм тийм гээд бүлтрээд байвал дуусашгүй, ядаж би блогоор тэрийг таны тархинд чихээд яахав. Хувийн амьдралаа бичих үү, миний юу хийж байсан, хийж байгаа нь надад л сонин, хаа нэг хачир давстайгаар хуваалцдаг л даа, гэхдээ дандаа биш.

Тэгэхээр блог дээр юу хөврөөд байна? Гол төлөв зохиомж, мэдрэмжээ дүрслэдэг ... бүтэлгүй хайр, жаргалтай нас, хөгжилтэй явдал, эротик үйлдэл, зөн, зүүд ... юу ч байж болно. Надад тохиолдсон байх огт албагүй, яахав нарийндаа бол ой санамж, дурсамжууд, үйл явдлын хэлхээс, ургуулан бодолт, төсөөлөл ... энэ бүгд бичлэгт шууд нөлөөтэй нь мэдээж, нэг иймэрхүү... харин үгийн хэлхээсээ хэвшмэл логиктой байлгах тал дээр хойшид анхаарамз кхх..

Тодруулахад би уйгагүй оптимист. Миний өдөр хоногууд бурхны зургаар биш алхам бүрийн минь сонголтоор амилдаг гэж итгэдэг ... хувь тавилангаа өөрийн гараар зурдаг эрх чөлөөт амьдралтайгаа мэдэрч баясдаг ... үргэлжид хувирч өөрчлөгддөг мөнх бусын орчлон дээрх үйлийн үрийн хатуу хуулийн өмнүүр зөөлөн алхалдаг ... ийм л блогчин ч гэхүү, мэдрэлтэй нөхөр л дээ, тааллаараа бологтий :)))

шөнийн "яриа"

Урьд шөнийн гүн халуурал:

Намайг гомдоогоод одсон чиний явахдаа орхисон шорвог бүхнийг үлдээлгүй асгасан, асгахдаа огт гэмгүй нэгний зүрхийг сийчиж байгаад цус шүүрсэн шархан дээр нь үйж асгасан, удаанаар мэгшин уйлсан хөөрхий тэр шархтан ... өөрөөлийн хийсэн гэмийг өөр дээрээ үүрч тарчилсан гэм зэмгүй түүний өрөвдөлтэй төрхөөс би өөрийнхөө гунигийг олж харна гэдгээ мэдэж байсан ...
өс өвөрлөсөн хар санаатан биш ч ариун цагаан бурхан бас биш болохоор гомдлын гашуун нулимсаа хэлхэж байгаад золиосоор ирсэн түүний нэлэнхүй бие дээгүүр бөнжигнүүлэн асгаж наадахдаа нүдээ буруулаагүй ... ертөнцийн ийм харгис тоглоомонд нэгэнтээ хожигдож байсан болохоор дараагийн ээлжинд нулимсаар биш чулуугаар нандин зүүлт урлах байх даа.
Ига 2008.01.28, 02:53

Ингэж товшсон халуурлыг ... уншсан даруйдаа Оюука докторын торгон утас ийн эгшиглэвэй:

"Хүрэн горхи"

Хасаг тэрэгний хүрдэнд уяж орхисон чиний хайр
Халгаж зугатсан миний зүрхэн дээгүүр дайрч одохдоо
Харанхуйд под под дуслах чимээ ардаа үлдээн хяхарсаар арилав
Хүй орчлонгийн хүйтэн цээжин дээр эмтэрч үлдсэн хүрэн зүрх
Хэн нэгнээс өршөөл эрэн харанхуйд тэмцэн лугшихдаан
Хоёр нүднээс дусалсан уйтгарын гашуун аадар бороонд
Хүрэнтэж урссан горхи болон улаанаар эргэлдэн үерлэв
Хэлж ч үл зүрхлэм уйтгарын манан хөшингтөн татаж
Хэлгүй энэ орчлонд хэл оров уу гэлтэй гаслангийн дуу цуурайтахад
Хайлган явсан харалган нэгэн хөл алдан үерт живж
Хүйтэнд дагжин, аврал эрэн амь тэмцэхэд
Хорслын манан хүний зовлонд бахтай яа хөхөрнө
Үерлэж урссан хүрэн горхи мөс болон хөлдөн хоцроход
Үерт урссан түүний бие хаа нэгтээ шидэгдэж бяцрахдаа
Үйлийн үрийг нулимсаар урласан хасаг тэрэгний замд
Үйрч үлдсэн чулуун хэлхээс болон солонгорон угтана.
Oyuka 2008.01.28, 04:42

Хундага авхай тосон авч хариу мэдрэмжийг дүрсэлсэн нь:

нулимс орлох чулуу хүнд, хүйтэн, хурц иртэй
нулимс мэт гашуун бус ч ууршиж, хатаж, үгүй болохгүй
золиослогдох нэгэнд зоогдож, шигдэж, тарчлаана
зовлон эхэлнэ, нүдийг таглана, чулуун... нулимс

""" """ """
...
уг яриа өрнөсөн гүн улаан өрөө:
http://vimomn.net/?m=pc&a=page_fh_diary&target_c_diary_id=9101&comment_count=7

Сэтгэлийн дуудлага \аая\

Сүүлийн үед баруун тархи идэвхижиж байгаагийнх уу, урлаг уран сайхны мэдрэмж огцом өсөөд, хөөрөлттэй гар өдөржин дуу хөгжим чарлуулж, тэнэг чангаар бархируулж, хөгжимгүйгээр өөрөөгийгөө олж авч чадахгүй нь вуаха. Угийн зүүн тархитан хүн чэн хөлдүүрээл явжийдагсан, гэнэт юу болов? Байнга догдлоостой, тувт хөөрөөстэй, зүрх савлаастай... юуных вэ? Юм ирэх дөхсөнийх үү гсн. Хаха, иймрэхүү жишээтэй.

Ер нь манай хамтлаг бол урсгал чиглэлд баригддаггүй, онгодоо дагдаг чөлөөт уран бүтээлчид, энүүгээрээ онцлог чэхшиг. Өмнө нь би юу л бол юу сонсдог байсан л даа. Хүндийн хүнд рокыг хэдэн цагаар сонсож чадна гэж худлаа хэлкү ээ, гэхдээ рок, альтернатив, поп, эстрад, пох пох, транс, R&B, жааз, сонгодог, ардын дуу, зохиолын дуу ... товчхондоо хөгжмийн урсгалын гейша байлаа ккк. Одоо засарсан, биеэ татаж авсан. Урьд нэг хэсэг гэнэт учир зүггүй пих похоор дагнаж, гадагад монголгүй үглэлт сонсдог болсон байваа, манайдаа бол хэдэн жилийн өмнө Татар, В.А.Т нар балай авч байна даа гээл, сүүлд Күйза, одоо Шоо эдэр даж маж санагдаж манагдаж байж майж. Диско клабын пих пох хэсэгт очиж зогсонгуут судасны лугшилт хэмнэлд нь хослон цохилж зохицдог байлаа шд, залуу байхад. Дараа нь нэг хэсэг транс Эрдэнээг дагаж хөөрөөд DJ Tiёsto, Armin, АТВ, Safri Duo-г учиргүй сонсдог, уусан мансуурдаг байв шд, яаж ч намираад гэхдээ трансд үнэнч үлдэж чадаагүй л дээ, гэвч хэзээд дуртай. Энэ хооронд мэдээж дундуур нь яаж зүгээр байхав, R&B, поп урсгалыг чагнаастай, оюутан цагийн халуун дурсамжууд болох софт рокуудаа ч амжуулаастай. Хичээл ном хийж суухад жааз, сонгодог хоёр шиг сайхан хань ховор доо. Гэх мэт балчир залуугийн явдлууд байнаа. Гэхдээ сүүлийн үед Green day, Radio head-ийн төрлийн дуунуудад урьд өмнөхөөс шал өөрөөр ер бусаар нугарч унажийна, хүн амьтанд уруу татагдаж бариагүй нээрээ шүү, цэвэр сэтгэл зүрхний дуудлагаараа \аая\, ер нь тэгээд рок, брит-поп, альтернатив маягийн хамтлагууд үзэл бодол нь ч, хөгжмийн хэмнэл нь ч, хоолойн өнгө нь ч, яаж ийж байгаад л күүл байж чадаад байх юм. Монголд нэг Green day шиг хамтлаг гараад ирчвэл ч … иэйххх … Лемонс, Маднесс, Шөнийн галт тэрэг гээд бас ч хөөрхөн л дөө. Одоо эдэн шиг гэхдээ арай хүчтэй, бүр зэвүүн гарууд гараад ирвэл ч … Эмэгтэйчүүдээс Отгоо лаг зүгээр санагдаад байдын, дуунууд нь мэдээж, дээрээс нь ядаж л шидийн маяггүй, аальгүйтээд байхгүй, өөрийгөө мэддэг, стиль сайтай гэх мэт. Ер нь ихэнх эмэгтэй дуучид хөөрхөн харагдах гэж ядаад, тэрэндээ зүдрээд байхаар нь өмнөөс нь ядарчдын, ядаж байхад санаа нь нүүр дүүрэн бичээстэй, за одоо болно доо хөөрхөн байнаа гэчмээр болдын шү хааяа, за тэр ч яахав.

Би гэж хүн ингэж халуурч байж Marlyn Manson сонсдог болж л балрах вий дээ, бусад нь ч яахав ккк. Marlyn Manson-ы Sweet Dream бол мөч агшин бүрийг чинь агшаагаад сунгаад арвалзуулаад өгье л гэж байналэй дээ, ээ за зогсоё, окобондоо орлоо, bye.

сурвалжлага

Өнгөрөгч долоо хоногт “Ам хатав” уушийн газар нээлтээ хийснийг микрофон барьсан маний бие сурвалжлахаар баруун дөрвөн замаар дайран гарч аль нэг тийшээ эргээд уруудан өгсөөд бяцхан шарваад олж очсон юм. Уг уушийн газрын гол ханган нийлүүлэгч болох “Цэвэр Метил” компанийн босс ноён Үйлийнлай болон “Шулмас судлалын төв”-ийн захирал Ягчисмаа, түүний төрсөн дүү Чөтгөрцэцэг нар хүрэлцэн ирсэн нь уг арга хэмжээний цар хүрээг илтгэх буй за. Ноён Үйлийнлай ёслолыг нээж хэлсэн үгэндээ “Дэлхий дахин энэ долоо хоногоос клоны аргаар хувилж гаргасан бүтээгдэхүүн хэрэглэж эхэллээ, хэдийгээр шинжлэх ухаанаар аюулгүй гэдэг нь нотлогдсон гээд байгаа ч мэдээж цаадуул чинь худлаааааа худлаа, цуурхал за юу. Энэ утгаараа бяднуус азтай, эцсийн эцэст ... монголчууд айхгүй л байхгүй юу, яагаад гэвэл ... цэвэр сайхан байгалийн бүтээгдэхүүн энд л байна, яахын та нар, лайтай бахархал шд. Бидний уриа зөвхөн цэвэр метил... тийм биздээ, үгүй гээд үзээрэй, үхсэн гэж мэдээрэй.” Цугларсан олон сэтгэл хөдлөн алга ташиж, браво хэмээн хоолой нийлүүлэн сөөнгөтөн уухайлж, бүүүүр баярласан зарим нь нулимсаа нууж чадсангүй. Хатагтай Ягчисмаагийн хэлсэн үг маажсан газар илэх шиг боллоо: “Ийм сайхан газар нээгдэж байгаад талархахгүй байж чадашгүй еэ, манай төвийн дотно түнш Цэвэр Метил компани чэн байшдэ тэ, хэрэглэгчдийн найдвартай түнш гэдгийг олон түмэн цугаар мэднэ, мэдэхээр зогсохгүй мэдэрдэг ч, уусдаг ч, найдвартай байдалтай нь маргах гээд үз дээ ... Бидний хамтын ажиллагаа сая шинэ он гарсаар огцом ахиж байгаа. Ёоо нээрэн завшааныг далимдуулаад дуулгахад шинэ оны эхний өдрүүдэд яасан гээч ... Якутад архи уугаад 300 хүн зэрэг нэг өдөр бохир муу биенээсээ үүрд салан манай эгнээнд нэгдэж, шинэ судлагдахуун нэмэгдсэн. Үнэхээр гялалзсан амжилт болсон энэ жишээг дурдахдаа бие минь жирсс жирсс гэж байна, мэдээж энэ чэн манай хилийн чанад дахь үйл ажиллагаа өргөжин тэлж буйн саак тод жишээ болчийшд. Манай Монгол одоогоор Якутад арай хүрэхгүй ч гэлээ тэдний рекордыг эвдэж чадна гэдгийг өнөөдрийн уушийн газрын нээлт дээр ирээд байхдаа зөн совин минь зүүн чихэнд шивэгнэж байна.” Ийн хэлж дуусав уу үгүй юү, цугласан олны дундаас баярласан нэг нь тодоос тод “рекорд эвдэцгээе” гэж хашгирсан нь хүмүүсийг улам хөөргөж, догдолсон сэтгэлээ арайхийн барихад хүргэсэн юм. Дашрамд дурдахад "Ам хатав" уушийн газар нээлтийн эхний өдрүүдэд урамшил болгон үйлчлүүлэгчидээ янзан бүрийн дессерт, компотоор дайлж байгаа гэдгийг “Ялзмаг” бөөний худалдааны төвийн ерөнхий менежер Хорхойхүү дуулгаад авлаа. Эцэст нь тэд нэгэн дуугаар “Хэрэглэгч та хаан” хэмээн хашгирч энэхүү сүр дуулиант нээлтийн ажиллагааг өндөрлөн, үйл ажиллагаагаа албан ёсоор эхэлсэн юм.

Газар дээрээс шууд сурвалжилсан: Шарик.

*** *** ***

ps: өмнөх Жуанзын зүүдний талаарх бичлэг дэх хувилбар хариуг хятад эхээр нь орууллаа.

你覺得下面的幾種說法哪種是對的？為什麼？

1 蝴蝶是莊子夢中見到的，並不是真的，他只是莊子的想象。所以，蝴蝶夢見的莊子是莊子想象的想象，或者說，他也就是莊子的想象。那麼，蝴蝶夢中的莊子是他自己的想象，不是真的莊子。

2 雖然蝴蝶夢見的莊子是莊子自己的想象，但是想象當然也是莊子的一部分，如果沒有莊子，也就沒有他的想象了，所以，蝴蝶夢見的莊子也是真的莊子。

3 莊子當然夢見了蝴蝶，蝴蝶也的確夢見了莊子。可是，因為蝴蝶的夢也是莊子夢的一部分，所以蝴蝶夢中的莊子也是莊子夢見的。也就是說，莊子夢見了蝴蝶，也夢見了自己。

4 莊子覺得他不知道是他夢見了蝴蝶，還是蝴蝶夢見了莊子，那是因為莊子看見自己在蝴蝶的夢里，所以他就不清楚到底是誰在做夢。其實，莊子和蝴蝶都做了夢，莊子夢見了蝴蝶，蝴蝶也夢到了他。

Миний хайр аа!!!

“Хайр аа, миний хайр аа” гэдэг илбэ шидтэй үгийг өдий хүртэр хэлж яваагүй, хэнийг ч ингэж дуудаж үзээгүй болуул яахуу, хэлбэл зохих байсан анхны хайрыг ч ингэж дуудаагүй ... гэнэт л анзаараатахлаа. Яадын. 1001 дурлалуудын минь сүнс намайг гэсгээвэл гэсгээ, худлаа байсан гээд тамлабал тамла ... за сүртэй шд, хайр гэдэг чинь нөгөө ммм ... нөгөө нэг юу ... ммм, шал өөр, би мэднөөө. Юу юугүй үхэх дөхөөд байдаг, өдийг хүртэл “хайр аа” гэлгүй хаагуур доншуучилсан байна? “Хайр аа, миний хайр аа” ингэж нэг хэлчихээд санаа амар нүд аних юмхундаа ... кк.

Нүдэнд утга уянгатай харагдсан этгээд бий нь бий, гэвч дуудахдаа “Хөөе хөлдүү төмс өө, хөөе сэгсгэр ээ, дарваан аа, оош далжгар аа ...”... бодвол энхрийлж байгаа царай нь байх даа, одоо бодсон чинь ямар үзэл сурталгүй, хаашаа утга уянгагүй юм пэ? Хамгийн гоёоороо дуудсан нь гэхэд л “үүе хөөрхөн өө, нэгдүгээр ангийн дарга аа, бамбарууш аа, жиклаад аа”...

Бас ... “муухай хүүхэд ээ” гэж үзсийм, хамгийн армаантик нь юм даа, тэгж дуудуулсан тэр үнэхээр ч муухай хүүхэд байсаан, хамрынхаа хажуу дээр мэнгэтэй, мэнгэ нь маягтай, жижигхэн тод... мань хүн өөрөө сүүтэй жиклаад, аюулын цэвэрхэн секси уруултай, дэв дэгшхэн шүдтэй, харц нь эрс шулуун атлаа гүн нууцлаг, сэгсгэрхэн үстэй, бүр сэв сэгсгэр, царайлаг жиклаад, Майн Рид, Жек Лондоны зохиол дээрх эрэлхэг индиан хөвгүүнийг санагдуулам, муухай хүүхэд байсаан байсан, зурсан юм шиг зүс нь гэтэл жинхэнэ түүний доторх төгөлдөр гоо сайхных нь хажууд ердөө л үзэмж шү дэ, бишрэм оюун билигтэй, үнэн найгүй далий ... Тийм л дээ үнэн, би хайлах шахсан, хүүхэд занд нь уярах дөхсөн, сэвлэг үснийх нь үнэрт мансууран алдсан. Мань жиклаад олон хүний дунд бол дув дуугай, бүр ууртай юм шиг таг дуугай, эргэн тойрноо күүл харцаар ажиглаад л чимээгүй суугаад байна ... цөөхүүлээ үед овоо яриа, хааяа нэг ярианы сэдэвт цэг тавьж өгнө бас ... тэгснээ хоёулханаа байхдаа хийхгүй хөдөлгөөн, бодохгүй бодол, санахгүй санаа гэж байхгүй, зүгээр сууна гэж үгүй, бүжиглэнэ, тонгочино, дэвхцэнэ... эрх ч гэж алингаа алдана даа, хичнээн уярмаар гээ. Тийм л муухай хүүхэд байсан ч “хайр аа” гэж дуудаагүй ээ, дуудах ч үгүй. Харцнаас нь хардаг байсан үнэн гэдгийг нь ... гэхдээ л нэг өдөр холдоно гэдгээ мэддэг болохоор хамгийн нандин үгээ харамласан, яая гэхэв. Үнэндээ над шиг жайжгий амьтныг яаж тоосон юм бол гэмээр бурхны төгс бүтээл байлаа тэр минь ... халуун залуу насны задлаагүй бэлэг, хувь тавилангийн хосгүй шагнал, хорь хүрээгүй амрагхан минь ээ ...

Гүн зүрхний угаас “хайр аа” гээд өөрийн эрхгүй ямарч хяналтгүйгээр урсан гардаг л байх даа уг нь.

Зүүд

За нэгэн сонирхолтой ч гэмээр эрэгцүүлэмжийг толилуулъя. Энд гарах Жуанз гэгч нь манай эрний өмнөх 369-286 онд амьдарч асан философич, сэтгэгч, Бумбын сургаалийн баримтлагч гол төлөөлөгч нь байжээ гэж. ийгээд ...

Жуанз нэгэн өдөр үзэсгэлэнт цэцэрлэг дотор унтаж гэнэ. Тэрээр зүүд зүүдлэв. Зүүдэндээ гоёмсог эрвээхэй цэцэрлэг дотуур дэвэн нисэж байхыг үзэв гэнэ, эрвээхэй ийш тийш нисэж зугаалж наадсаар ядраад жасмин цэцгийн дэлбээн дээр очиж суухдаа зүйрмэглэн унтжээ. Эрвээхэй унтуутаа зүүдлэв, зүүдэндээ Жуанзыг үзэвэй. Энэ мөчид Жуанз гэнэт сэржээ.

Ингээд Жуанз бодролтов... одоогийн Жуанз нь жинхэнэ Жуанз юм уу, эсхүл эрвээхэйн зүүдэн дэхь Жуанз юм уу, тэр эрвээхэйг зүүдлэв үү, эрвээхэй тэрнийг зүүдлээд байна уу, ялгасангүй.
Энэ тухай одоог хүртэл маргасаар ...

Чиний бодлоор дараах хэллэгүүдийн аль нь зөв бол? Яагаад?

1. Эрвээхэй бол Жуанзын зүүдэнд үзэгдсэн, хийсвэр. Иймд эрвээхэйн зүүдэнд байгаа Жуанз бол Жуанзын хийсвэр төсөөлөл, ердөө л Жуанзын хийсвэрлэл. Ингээд эрвээхэйн зүүдэн дэхь Жуанз бол төсөөллийнх учир бодит биш.

2. Хэдийгээр эрвээхэйн зүүдэнд үзэгдсэн Жуанз нь Жуанзын төсөөлөл ч гэлээ төсөөлөл гэдэг бол Жуанзын нэгэн хэсэг, хэрэв Жуанз байхгүй байсан бол төсөөлөл нь ч байхгүй, иймд эрвээхэйн зүүдэн дэхь Жуанз бол бодитой.

3. Жуанз эрвээхэйг зүүдэлсэн, эрвээхэй ч Жуанзыг зүүдэлсэн. Гэхдээ эрвээхэйн зүүд нь Жуанзын зүүдний нэг хэсэг учраас эрвээхэйн зүүдэн дэхь Жуанз нь зүүдний Жуанз гэсэн үг. Тэгэхээр Жуанз өөрийгөө ч зүүдэлсэн, эрвээхэйг ч зүүдэлсэн.

4. Ер нь ингэхэд Жуанз эрвээхэйг зүүдлээд байна уу, эрвээхэй Жуанзыг зүүдлээд байна уу? Яагаад гэхээр эрвээхэйн зүүдэн дотор өөрөө байж байсан, чухамдаа яг хэн нь зүүдлээд байгаа юм бол? Гэхдээ үнэндээ Жуанз эрвээхэй хоёулаа зүүдэлсэн, Жуанз эрвээхэйг харсан, эрвээхэй ч Жуанзыг харсан.

чибурашка -> бабаяга

Хүн чи юунд ийм худалч, ичгүүргүй дээрэмчин юм бэ, болъёоооооооо, тээр тэнд зогсоод байгаа зэвүүнээ болъёоооооооооооо. Худалч дээрэмчин хүмүүст хулхидуулж байдаг гэнэн цайлган чибурашка шиг төрцөн би бас болъёоооооооооооо ... заза хүн ба юмс үзэгдлийн үйл хөдлөл учир начрыг таньж байгаа минь болоо шдээ, өөдрөг бодлууд бас овоо шдээ. Гэхдээ л хэд хоног архидаж, тамхидаж, авгай хүүхэн эргүүлж, задгайран зугаалж, балайран шоудаж, назгайран цэнгэх юмсан, чадахгүй л дээ, түй гэж, түнтгэр байх яасан гэцүүм бэ, ай гэж, алаг хорвоо юутай мяраан бэ...

За явж төмөр өргөе, штанг шахаж гурван толгойт булчингаа гүрэлзүүлчихээд, арав дарж найм эргээд, хавийн хоолыг хамж идээд хөлөө сойгоод гэвтчинэ дээ, спортхон би чамд дуртай, спортхон чи надад хайртай ... бидэн хоёр нь бие биедээ ивээл ... гэвч би нь бүдүүнээрээ л, бүсэлхий нь бэрхээр шигээрээ л.

Гэнэ гэнэ тархинд харваж орж ирээд байхымаа, тэрмуу худалч, дээрэмчин зэвүүнээгээс, хариугаа авнаа, авах авахдаа өөрөөс нь авна, өөр гоё аргаар авна, өөрт нь хэлж байгаад авна даа ... яаая, өөрөөсөө айчихлаа, эвгүй болсон байна шүү, өнөө чибурашка хаачсан? Шууд бабаяга болжийнэ, хорвоо чи бабаягануудаар ханах болоогүй юу???

экзистенциалист

Өвлийн күүл өдрүүдэд жингүйдэж хөөрсөөр асар олон адал явдлаас хоцорсон байн. Нэг харсан шинэ он гарчиж, 2008 онд амьдарч байгаа нь миний буруу биш, үнэнээн хэлье, үсээн зулгааж хэлье, календариас л болсон :))

Тэртэй тэргүй хаягдсан ертөнцийн, тэгэхээс тэгэх гэж мухарт нь очоод буланд шигдэн печень мэрэхдээ дөрвөлжлөх үү, гурвалжлах уу, бөөрөнхийлөх үү яажшуу идвэл амттай болох тухай бодсоор өнжиж зовно, зугаацна. Чухам энэ чинь жаргал буюу, чулуужсан зүрхний бичээс авай. Ааяе, за тэр яахав, та минь, улс орноо яаж хөгжүүлэх вэ… (Модтой чихэр долоон хөлөө савлан сууна)

Гэснээс би шоронгоос оргоод, хөөгдөөд, баригдахын даваан дээр нисчихсэн, гоё байсан шүү.

Sand Art ...

Өчүүхэн

Өөрөө би өчүүхэн ... өчүүхэн нүд минь өчүүхэн зүйлсийг ширтэж, өчүүхэн хүрээндээ өчүүхэн сэтгэж, өчүүхэн хүнд өчүүхэн дурлаж, өчүүхэн бөмбөрцөг дээр өчүүхэн амьдарсаар өчүүхэн үхэх ... ... үхэл ч аврахаас өнгөрсөн өчүүхэн энэ тойргоос өчүүхэн ч атугай мултрах болов уу?

Номынсан мэт мэдлэг цуглуулж нобельд дэвшихээр гавъяа байгуулах ... үр удмаа тээж төрүүлээд тэжээж тэтгэх ... сайхан эсвэл муухай мэдрэмжийг хүртсэн шиг хүртэх ... амьд байгаагийн минь зорилго аль нь ч биш, баттай хэлье. Зорилго биш зүйлрүүгээ үхэн хатан тэмүүлж амьдрах ямар вэ?

Хөндлөнгөөс өчүүхэн өөрийнхөө өчүүхэн үйлдлүүдийг ажиглаж ажиглаж ажиглаж ... ...